Čynoŭniki cisnuć na Michasia Biernata za jaho hramadskuju dziejnaść.
Michasia Biernata, jakoha pazbavili dyrektarstva va ŭłasna stvoranym muziei, ciapier mohuć zvolnić z pracy zusim.
Čynoŭnikam nie spadabałasia, što sp. Biernat razam ź siabrami adnaviŭ šyldu ŭ honar Pałonkaŭskaj bitvy pad Baranavičami. Pryčym sami čynoŭniki nieadnarazova na prośby hramadskaści vyrabić takuju šyldu adkazvali admovaj.
Krajaznaŭcu ŭ paniadziełak patelefanavaŭ zahadčyk adździeła kultury Baranavickaha rajvykankama Siarhiej Siedač. Jon zapatrabavaŭ tłumačalnuju zapisku z nahody adkryćcia šyldy. Sp. Biernat admoviŭsia. Da sierady jon znachodzicca na vychadnych, i tolki zaŭtra adbudziecca razmova ŭ rajvykankamie. «A moža ŭžo i nie zachočuć havaryć sa mnoj», — namiakaje Michaś Biernat na toje, što z pracy mohuć i zvolnić.
Nie vyklučaje jon i mahčymaści, što šylda z pomnika moža źniknuć.
«Razburyć im lahčej… Ale dumaju, što ŭ ich nie chopić duchu na heta».
Pomnik u honar pieramohi vojskaŭ Rečy Paspalitaj nad maskoŭskimi vojskami ŭ 1660 hodzie byŭ pastaŭleny jašče ŭ 1994. Ale i tady nie abyšłosia biez skandału. Sp. Biernat raspaviadaje, što byłoha ŭpraŭlajučaha spravami Baranavickaha rajvykankama Ahranoŭskaha chvalavała, što za taki pomnik Rasija nie daść Biełarusi hazu i nafty. «U jaho ŭjaŭleńni heta vyhladała tak, što niechta choča pasvaryć dva narody».
Michaś Biernat pracuje mietadystam u Rusinaŭskim muziei ramiostvaŭ, jaki sam i stvaryŭ. Adkryŭ šerah pamiatnych znakaŭ i šyldaŭ u rajonie.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary