Pieršy raz a 3-j nočy, druhi – a 7-j.
Pieršy raz a 3-j nočy, druhi – a 7-j.
Kala 7 ranicy piaciora nieviadomych u cyvilnym sprabavali ŭ druhi raz za noč patrapić u kvateru, dzie znachodzicca Pravaabarončy centr «Viasna». Kali im nie adčynili, jany sprabavali łamać dźviery. Pryjechaŭ Aleś Bialacki, sustreŭ ich u padjeździe. Milicyjanty patrabavali adčynić dźviery i tłumačyli, što šukajuć Uładzimira Łabkoviča. Staršynia PC zapatrabavaŭ sankcyju, ale jaje nie było. Bialacki adkazaŭ, što Łabkoviča dakładna niama ŭ pamiaškańni ofisu. Praź niejki čas nieviadomyja ŭ cyvilnym źjechali na mikraaŭtobusie.
Pieršy raz ofis zachapili ŭ 3-15. 10 čałavieka byli dastaŭlenyja ŭ Pieršamajski RUUS, dzie ŭ ich uziali tłumačeńni nakont taho, dzie jany byli druhuju pałovu dnia 19 śniežnia. Potym usich adpuścili. U hety ž čas na ofisie adbyŭsia tak zvany dahlad, padčas jakoha była zabranaja na ekśpiertyzu ŭsia kamputarnaja technika i elektronnyja nośbity infarmacyi, videakasety.
U 12 hadzinaŭ u ofisie «Viasny» była zapłanavana vynikovaja pres-kanfierencyja kampanii «Pravaabaroncy za svabodnyja vybary». Adzin ź jaje kiraŭnikoŭ Aleh Hułak, staršynia BCHK byŭ zatrymany na płoščy Niezaležnaści padčas brutalnaha razhonu mirnaj akcyi pratestu suprać falsifikacyi vynikaŭ prezidenckich vybaraŭ.
***
Udzielniki pres-kanfierencyi:
Aleś Bialacki, staršynia Pravaabarončaha centra «Viasna»
Valancin Stefanovič, juryst Pravaabarončaha centra «Viasna»
Pres-kanfierencyja adbuducca pa adrasie: Minsk, pr-t Niezaležnaści, 78A — 48 (ofis Pravaabarončaha centra «Viasna»).Pa dadatkovuju infarmacyju źviartajciesia pa telefonie: +375 29 682 14 81
ci na e-mail: [email protected]
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary