Vašynhton pakidaje ŭsie sankcyi ŭ dačynieńni Biełarusi.
ZŠA pakinuć u sile sankcyi ŭ dačynieńni da Biełarusi, zajaviŭ 21 śniežnia na bryfinhu ŭ Vašynhtonie pamočnik dziaržsakratara ZŠA Filip Kroŭli.
«Našy sankcyi zastanucca ŭ sile, i toje, što adbyłosia ŭ Biełarusi, — trahična», — zajaviŭ Kroŭli. Adkazvajučy na pytańnie nakont «zalacańniaŭ» Łukašenki z Zachadam, jon adznačyŭ, što Biełaruś možna nazvać krainaj, jakaja «nikoli nie vypuskała mahčymaść upuścić mahčymaść».
Kroŭli padkreśliŭ, što pavaha da demakratyčnaha pracesu i pravoŭ čałavieka znachodzicca ŭ centry adnosin Zachadu ź Biełaruśsiu.
20 śniežnia ZŠA nie pryznali vyniki prezidenckich vybaraŭ u Biełarusi.
«Złučanyja Štaty rašuča asudžajuć dziejańni ŭrada Biełarusi pa padryvie demakratyčnaha pracesu, a taksama niepraparcyjanalnaje vykarystańnie siły suprać palityčnych aktyvistaŭ, pradstaŭnikoŭ hramadzianskaj supolnaści i žurnalistaŭ», — havorycca ŭ zajavie Biełaha doma.
ZŠA patrabujuć nieadkładnaha vyzvaleńnia «ŭsich kandydataŭ u prezidenty i socień pratestujučych», zatrymanych 19 i 20 śniežnia.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary