The Guardian: Pierad Łukašenkam usio vyraźniej majačyć vobraz samalota ŭ Karakas
Ništo nie ŭtrymaje režym Łukašenki ad padzieńnia, piša ŭ svaim redakcyjnym kamientary levalibieralnaja brytanskaja hazieta «Hardyjan».
Z kožnym zadušanym pratestam pierad Łukašenkam usio vyraźniej majačyć vobraz słavutaha samalota, jaki čakaje na ŭźlotnaj pałasie,piša ŭ redakcyjnym artykule ŭpłyvovaje brytanskaje vydańnie The Guardian.
Małapryvabny režym Alaksandra Łukašenki ad padzieńnia ŭtrymlivaje tolki samaja drobiaź.
U Łukašenki byŭ vydatny płan pa svaim pieraabrańni. Jon vyrašyŭ vystavić svaju krainu — Biełaruś — na aŭkcyjon. Ministr zamiežnych spravaŭ Polščy Radasłaŭ Sikorski zajaviŭ, što Biełaruś zmoža atrymać ad Jeŭrasajuza 3,5 młrd dalaraŭ u vyhladzie kredytaŭ, kali vybary buduć sumlennymi i spraviadlivymi. Łukašenka jamu padyhraŭ, daŭšy kandydatam ad apazicyi efirny čas na telebačańni i ŭstaviŭšy ŭ svaju pieradvybarčuju prahramu niekalki abnadziejlivych fraz ab zakonnaści i pryvatnaj ułasnaści.
Za tydzień da vybaraŭ svaju staŭku zrabiła Rasija. Maskva prybrała myty na ekspart nafty i zachavała dla Biełarus i adnosna nizkija ceny na haz
U dzień vybaraŭ u krainie byŭ adklučany dostup da Facebook, Twitter, LiveJournal i Gmail.
Dziasiatki tysiač čałaviek vyjšli na vulicy pratestavać suprać falsifikacyj, Łukašenka, prazvany apošnim dyktataram Jeŭropy, viarnuŭsia da zvyčajnych dla jaho mietadaŭ.
U chod pajšli pravakacyi i milicejskija dubinki. Kandydata ŭ prezidenty, źbitaha milicyjaj da straty prytomnaści, vyciahnuli z balničnaha łožka i pavieźli ŭ nieviadomym kirunku. Šeść ź dzieviaci kandydataŭ byli ŭziatyja pad aryšt. Da kanca dnia byli schoplenyja bolš za 600 aktyvistaŭ apazicyi.
Łukašenka svaim charakternym praniźlivym hołasam abviaściŭ, što jon pieraduchiliŭ pieravarot i što ŭ krainie bolš nie budzie «biazhłuzdaj demakratyi».Naziralniki Arhanizacyi pa biaśpiecy i supracoŭnictvie ŭ Jeŭropie zajavili, što na vybarach było šmat parušeńniaŭ, zatoje rasijskija naziralniki, naadvarot, skazali, što ŭsio było ŭ paradku. Dźmitryj Miadźviedzieŭ, božaja karoŭka ŭ prezidenckim fateli, nazvaŭ vybary ŭ Biełarusi jaje ŭnutranaj spravaj.
Adnak historyja na hetym nie zakančvajecca. Łukašenka moža sam siabie pryznačyć prezidentam, ale jaho papulizm pacierpić parazu. Pierad vybarami jon narabiŭ pazykaŭ, i ciapier jaho karotkaterminovyja abaviazalnictvy składajuć 11 miljardaŭ dalaraŭ pry ŭsio mienšych valutnych reziervach.
Pryčym
Łukašenku možna kupić, ale na jaho nielha spadziavacca. Rasija nie choča finansavać deficyt biahučaha rachunku Biełarusi, jaki dasiahnuŭ užo 14% ad VUP.Razryŭ pamiž dachodami biełarusaŭ i ich susiedziaŭ u Polščy praciahvaje raści, i z kožnym zadušanym pratestam pierad Łukašenkam usio vyraźniej majačyć vobraz słavutaha samalota, jaki čakaje na ŭźlotnaj pałasie. Były dyrektar saŭhasa choča, kab jaho ličyli baćkam nacyi, adnak jaho dyktatura tolki prymušaje biełarusaŭ abjadnoŭvacca suprać jaho. U krainie, dzie siaredni miesiačny zarobak składaje 300 jeŭra, ništo nie ŭtrymaje ahidny režym Łukašenki ad padzieńnia.
-
Jakaja budzie damova ZŠA ź Iranam, pakul niajasna, ale biełarusam plavać na detali. Važna, kab jana była
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia11
Kamientary