Ministr zamiežnych spraŭ Biełarusi pryhraziŭ Polščy sankcyjami ŭ adkaz.
Ministr zamiežnych spraŭ Siarhiej Martynaŭ pryhraziŭ Polščy sankcyjami ŭ adkaz, kali taja vyrašyć nie puskać na svaju terytoryju biełaruskich čynoŭnikaŭ.
«Kali takoje rašeńnie budzie pryniataje Polšča pavinna być hatovaja da taho, što my budziem vymušanyja, u nas nie budzie inšaha vyjścia, jak tolki ŭvieści ŭzajemnyja sankcyi», — skazaŭ Martynaŭ u Brusieli polskamu infarmacyjnamu ahienctvu RAR.
Martynaŭ padkreśliŭ, što Minsk zacikaŭleny ŭ «praciahu supracoŭnictva» z Polščaj, ź jakoj Biełaruś maje «mocnyja histaryčnyja suviazi».
«Polšča važny partnior Biełarusi. U nas šmat supolnych intaresaŭ u šmatlikich śfierach: ad dyviersifikacyi enierhii i tranzitu enierhii da baraćby ź nielehalnaj kantrabandaj i arhanizavanaj złačynnaściu. U nas taksama šmat supolnych ekanamičnych, źviazanych z enierhijaj.
My zacikaŭlenyja ŭ praciahu ŭzajemadačynieńniaŭ z Polščaj i ŭ hetych prajektach».
Na dumku palitołaha Valera Karbaleviča, heta zvyčajny torh raźličany na toje, što abodva baki źmiakčać svaje pazicyi.
— Heta zvyčajnaja taktyka biełaruskaha boku, jaki zvyčajna adkazvaje siłaju na takija siłavyja dziejańni. Voś, naprykład, admova ad isnavańnia ŭ Biełarusi ofisu ABSIE heta adkaz na rezkija zajavy zachodnich krainaŭ. Heta jak by piačatka palityčnaha stylu Alaksandra Łukašenki.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva68
Kamientary