Міністр замежных спраў Беларусі прыгразіў Польшчы санкцыямі ў адказ.
Міністр замежных спраў Сяргей Мартынаў прыгразіў Польшчы санкцыямі ў адказ, калі тая вырашыць не пускаць на сваю тэрыторыю беларускіх чыноўнікаў.
«Калі такое рашэнне будзе прынятае Польшча павінна быць гатовая да таго, што мы будзем вымушаныя, у нас не будзе іншага выйсця, як толькі ўвесці ўзаемныя санкцыі», — сказаў Мартынаў у Бруселі польскаму інфармацыйнаму агенцтву РАР.
Мартынаў падкрэсліў, што Мінск зацікаўлены ў «працягу супрацоўніцтва» з Польшчай, з якой Беларусь мае «моцныя гістарычныя сувязі».
«Польшча важны партнёр Беларусі. У нас шмат супольных інтарэсаў у шматлікіх сферах: ад дыверсіфікацыі энергіі і транзіту энергіі да барацьбы з нелегальнай кантрабандай і арганізаванай злачыннасцю. У нас таксама шмат супольных эканамічных, звязаных з энергіяй.
Мы зацікаўленыя ў працягу ўзаемадачыненняў з Польшчай і ў гэтых праектах».
На думку палітолага Валера Карбалевіча, гэта звычайны торг разлічаны на тое, што абодва бакі змякчаць свае пазіцыі.
— Гэта звычайная тактыка беларускага боку, які звычайна адказвае сілаю на такія сілавыя дзеянні. Вось, напрыклад, адмова ад існавання ў Беларусі офісу АБСЕ гэта адказ на рэзкія заявы заходніх краінаў. Гэта як бы пячатка палітычнага стылю Аляксандра Лукашэнкі.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС8
Каментары