Złatka, łusta i chadun
Jak čaroŭnyja ahieńčyki na bałocie, to tut, to tam uźnikajuć u našym žyćci astravy biełaruskaści. I nie biady, kali katory raptam zhaśnie — tut ža ŭspychnie jašče kolki. Palityku, muzyku, internet, jurysprudencyju achoplivaje biełarusizacyja. Ciapier voś i padjeści na chapka možna pa-nasku.
Jak čaroŭnyja ahieńčyki na bałocie, to tut, to tam uźnikajuć u našym žyćci astravy biełaruskaści. I nie biady, kali katory raptam zhaśnie — tut ža ŭspychnie jašče kolki. Palityku, muzyku, internet, jurysprudencyju achoplivaje biełarusizacyja. Ciapier voś i padjeści na chapka možna pa-nasku.
U sietcy hramadzkaha charčavańnia zvykłyja sučasnamu biełarusu stravy ciapier možna nabyć pad biełaruskimi nazvami. U pryvatnaści, šapiki «Chutka-smačna» ŭ svaim meniu prapanujuć złatku, łustu i chadun, a taksama kiłbasu «Viaskovuju» i «Haspadar». Namieśnik hieneralnaha dyrektara kampanii «Ekspres-servis 91», uładalnika sietki kramaŭ «Sialanskija prysmaki» i bistro «Chutka-smačna», Kanstancin Turovič nastupnym čynam tłumačyć nazvy stravaŭ: «Łusta — toj samy buterbrod, tolki ŭ nas heta łusta chleba z sałam ci palandvicaj. Prosta i pa-nasku. Chadun, ci chot-doh, nazvali tak, bo jeści jaho možna idučy. Źjeŭ — i chadzi ceły dzień!» Złatka — łusta biełaj bułki z syram i viandlinaj, palitaja majanezam ci kietčupam. «Sialanskija prysmaki — kiłbasy «Viaskovaja», «Haspadar» — robiacca tak, jak jašče babuli našyja hatavali, — dadaje sp.Turovič. — Usio robicca z naturalnych praduktaŭ, biez damieškaŭ i štučnych smakavych uzmacnialnikaŭ».
Padzialiŭsia namieśnik dyrektara i sakretam vysokich smakavych jakaściaŭ miasnych stravaŭ: «Robim tolki sa śviežaha miasa, nie zamarožanaha, a tolki achałodžanaha. Pryhatavanaja z takoha miasa kiłbasa ci niešta inšaje doŭhi čas nie psujecca, navat u haračyniu. Viedaju ludziej, jakija našyja kiłbaski admysłova nabyvali pierad adjezdam na kurort». Aproč miasnoha možna pakaštavać sałatak z burakoŭ, morkvy i kapusty.
Niadaŭna z Hišpanii pryjšło zaprašeńnie ad tamtejšaj asacyjacyi bistro paŭdzielničać u hanaravańni najlepšych straŭniaŭ hetaj klasy. Bistro «Chutka-smačna» atrymała załaty pryz za najlepšyja napoi i pradukty charčavańnia.
Siońnia ŭ Miensku dziejničaje siem kramaŭ «Sialanskija prysmaki». Namieśnik staršyni TBM Siaržuk Kručkoŭ u hutarcy pra biełaruskaje meniu staličnaha bistro zaznačyŭ: «Vielmi pryjemny fakt. Jaho nielha pakidać biez uvahi i padziaki».
Kamientary