Златка, луста і хадун
Як чароўныя агеньчыкі на балоце, то тут, то там узьнікаюць у нашым жыцьці астравы беларускасьці. І не бяды, калі каторы раптам згасьне — тут жа ўспыхне яшчэ колькі. Палітыку, музыку, інтэрнэт, юрыспрудэнцыю ахоплівае беларусізацыя. Цяпер вось і пад’есьці на хапка можна па-наску.
Як чароўныя агеньчыкі на балоце, то тут, то там узьнікаюць у нашым жыцьці астравы беларускасьці. І не бяды, калі каторы раптам згасьне — тут жа ўспыхне яшчэ колькі. Палітыку, музыку, інтэрнэт, юрыспрудэнцыю ахоплівае беларусізацыя. Цяпер вось і пад’есьці на хапка можна па-наску.
У сетцы грамадзкага харчаваньня звыклыя сучаснаму беларусу стравы цяпер можна набыць пад беларускімі назвамі. У прыватнасьці, шапікі «Хутка-смачна» ў сваім мэню прапануюць златку, лусту і хадун, а таксама кілбасу «Вясковую» і «Гаспадар». Намесьнік генэральнага дырэктара кампаніі «Экспрэс-сэрвіс 91», уладальніка сеткі крамаў «Сялянскія прысмакі» і бістро «Хутка-смачна», Канстанцін Туровіч наступным чынам тлумачыць назвы страваў: «Луста — той самы бутэрброд, толькі ў нас гэта луста хлеба з салам ці паляндвіцай. Проста і па-наску. Хадун, ці хот-дог, назвалі так, бо есьці яго можна ідучы. Зьеў — і хадзі цэлы дзень!» Златка — луста белай булкі з сырам і вяндлінай, палітая маянэзам ці кетчупам. «Сялянскія прысмакі — кілбасы «Вясковая», «Гаспадар» — робяцца так, як яшчэ бабулі нашыя гатавалі, — дадае сп.Туровіч. — Усё робіцца з натуральных прадуктаў, без дамешкаў і штучных смакавых узмацняльнікаў».
Падзяліўся намесьнік дырэктара і сакрэтам высокіх смакавых якасьцяў мясных страваў: «Робім толькі са сьвежага мяса, не замарожанага, а толькі ахалоджанага. Прыгатаваная з такога мяса кілбаса ці нешта іншае доўгі час не псуецца, нават у гарачыню. Ведаю людзей, якія нашыя кілбаскі адмыслова набывалі перад ад’ездам на курорт». Апроч мяснога можна пакаштаваць салатак з буракоў, морквы і капусты.
Нядаўна з Гішпаніі прыйшло запрашэньне ад тамтэйшай асацыяцыі бістро паўдзельнічаць у ганараваньні найлепшых страўняў гэтай клясы. Бістро «Хутка-смачна» атрымала залаты прыз за найлепшыя напоі і прадукты харчаваньня.
Сёньня ў Менску дзейнічае сем крамаў «Сялянскія прысмакі». Намесьнік старшыні ТБМ Сяржук Кручкоў у гутарцы пра беларускае мэню сталічнага бістро зазначыў: «Вельмі прыемны факт. Яго нельга пакідаць без увагі і падзякі».
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
-
Мінская мастачка кажа, што 10 гадоў таму ў яе забрала карціны куратарка выставы — і дагэтуль не вярнула. А сама эмігравала
-
Ультыматум Пуціну з лазні і абмеркаванне бургераў. Новыя пародыі на Лукашэнку рвуць інстаграм
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою3
Каментары