«Chaj zadušacca». Hramadzianie za dva dni sabrali pałovu hrošaj za «škodu, naniesienuju Domu ŭrada»
Jany raźličvajuć takim čynam źniać finansavuju adkaznaść z abvinavačanych u «biesparadkach» 19 śniežnia.
Jany raźličvajuć takim čynam źniać finansavuju adkaznaść z abvinavačanych u masavych biesparadkach 19 śniežnia.
21 lutaha ŭ paniadziełak pravaabaroncy pieraličyli srodki na rachunak Hałoŭnaha haspadarčaha ŭpraŭleńnia Administracyi prezidenta, jakoje vystaviła hramadski pazoŭ za vybityja ŭ Domie ŭradu vokny. Pra heta «Našaj Nivie» paviedamiŭ juryst Valancin Stefanovič. Takim čynam jany raźličvajuć źniać finansavuju adkaznaść z abvinavačanych u masavych biesparadkach 19 śniežnia.
Zhodna art. 63 Kryminalnaha kodeksa, dobraachvotnaje adnaŭleńnie škody źjaŭlajecca abstavinami, što źmiakčajuć adkaznaść. Srodki na kampiensacyju byli achviaravanyja prostymi ludźmi, jakija adhuknulisia na zaklik pravaabaroncaŭ.
Pa słovach adnoj z udzielnic kampanii pa arhanizacyi zboru srodkaŭ. jurystki Darji Katkoŭskaj, hetaja inicyjatyva adnačasova i dapamoha aryštavanym, ź jakich raniej ci paźniej spahnali b hetyja hrošy, i adnačasova sihnał sistemie — što hramadstva nie kidaje svaich ludziej, što jano zdolnaje i budzie dapamahać.
«My atrymali ŭ pradstaŭnika HHU administracyi Dźmitryja Lepieša nieabchodnyja rekvizity, zaraz budziem pierakazvać hrošy. Jon paabiacaŭ nam, što, kali srodki pastupać na ichni rachunak ciaham siońniašniaha dnia, to na zaŭtrašnim sudzie jon nie budzie zajaŭlać pazoŭ».
Zaŭtra, 22 lutaha, a 10-aj hadzinie ŭ sudzie Maskoŭskaha rajonu Minska pačniecca praces nad hramadzianami RF Ivanam Haponavym i Arciomam Breusam, jakija abvinavačvajucca pa č. 2 art. 293 KK (Udzieł u masavych biesparadkach).
Nahadajem, što 17 lutaha ŭ čaćvier na sudzie nad siabram hramadskaj kampanii «Havary praŭdu!» Vasilom Parfiankovym byŭ zajaŭleny hramadski pazoŭ z boku HHU Administracyi prezidenta, jaki ŭ sudzie padtrymlivaŭ Dźmitryj Lepieš. Raźbityja vokny dźviery ŭ Domie ŭradu byli acenienyja 14 miljonaŭ 144 tysiačy biełaruskich rubloŭ. Pieršapačatkova ŭ vyznačeńni prakuratury fihuravała suma ŭ 29 miljonaŭ.
Za pieršyja dva dni zboru nabrałasia pałova nieabchodnaj sumy. Reštu zakłali pravaabaroncy sa svaich srodkaŭ. Jany prosiać hramadzianaŭ praciahvać zbor hrošaj na patreby viaźniaŭ.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary