Zapis pretendentaŭ na prahramu Kalinoŭskaha

Polski ŭrad abviaściŭ ab pačatku naboru studentaŭ na adukacyjnuju prahramu dla represavanaj moładzi imia Kastusia Kalinoŭskaha jašče ŭ studzieni 2011 hoda.

U hetym hodzie ŭ suviazi z adličeńniami studentaŭ ź biełaruskich VNU paśla padziej 19 śniežnia ŭžo zaraz raspačaty zapis pretendentaŭ na adukacyjnyja padrychtoŭčyja kursy, jakija pačnucca praź niekalki tydniaŭ.

Uračystaje adkryćcio prahramy adbudziecca 21 sakavika.

Apošni termin padačy zajavaŭ na pazačarhovuju prahramu K.Kalinoŭskaha — pa 28 lutaha ŭklučna. Nieabchodnyja dla navučańnia i paćviardžeńnia fakta represij dakumienty možna prynieści da 7 sakavika.

Jak paviedamiła staršynia Kamiteta abarony represavanych «Salidarnaść» Ina Kulej, polski Urad zaćvierdziŭ u hetym hodździe 150 stypiendyj dla studentaŭ, 50 stypiendyj dla daktarantaŭ i 10 navukovych stypiendyj dla vykładčykaŭ VNU.

Tyja studenty, jakija mohuć być adličany padčas letniaj siesii albo pamiž sesijami, taksama zmohuć praciahnuć navučańnie pa svaich śpiecyjalnaściach u polskich univiersitetach. Razam z hetym, kaardynatary prahramy ź biełaruskaha boku rajać tym, kaho jašče nie adličyli, prykładać namahańni dla praciahu vučoby i nie sychodzić pa ŭłasnym žadańni.

Prahrama dla represavanaj moładzi praduhledžvaje atrymańnie vyšejšaj adukacyi i vučoby ŭ aśpirantury dla maładych ludziej, jakija padviarhalisia sutkavym aryštam, zatrymańniam, vyklučeńniam z siarednie-śpiecyjalnych i vyšejšych navučalnych ustanovaŭ, tych, u kaho byli pieratrusy albo štrafy, a taksama dzieciam represavanych palitykaŭ, siabram partyj, hramadskich arhanizacyj i kampanij, jakija ciarpieli pieraśled z boku ŭłady, mieli zvalnieńni z pracy, kryminalny pieraśled, štrafy za hramadskuju dziejnaść.

Pretendenty ŭ stypiendysty pavinny być paŭnaletnimi. Kvalifikacyju kandydataŭ praviadzie polskaja kamisija paśla aznajamleńnia z rekamiendacyjami Kamiteta abarony represavanych.

Jak viadoma, Prahrama K.Kalinoŭskaha była zasnavana jak reakcyja salidarnaj Polščy na padziei ŭ Biełarusi 30 sakavika 2006 hoda

i padpisana Alaksandram Milinkievičam i Kazimiežam Marcinkievičam, zaćvierdžana Kanfierencyjaj rektaraŭ polskich akademičnych škoł

(KRASP) i kanfierencyjaj rektaraŭ polskich univiersitetaŭ. U pieršym hodzie dziejnaści prahramy ŭ lipieni 2006 hoda byli pryniatyja na vučobu 244 asoby na 77 roznych napramkach, u čaćviortym nabory ŭ 2009 hodzie adobrany da navučańnia 44 čałavieki na 26 napramkach. Źviarnucca pa parady možna pa teł. 80172- 80-88-63.

Infarmacyja Kamiteta abarony represavanych «Salidarnaść»

• 0
• 0
• 0
• 0
• 0
• 0
• 0
• 0