Litoŭski inviestar: My pryjšli, kab vyvučyć praviły biełaruskaha rynku
Vyvučeńnie praviłaŭ biełaruskaha rynku źjaŭlajecca adnoj z asnoŭnych met układańnia inviestycyj u stvareńnie pradpryjemstva na terytoryi Mahiloŭskaj vobłaści. Pra heta zajaviŭ napres-kanfierencyi 28 lutaha ŭ Mahilovie hienieralny dyrektar ZAT «Vakaru miadzienas hrupie» Viktaras Adamajcis.
Nahadajem, 28 lutaha ŭ Mahiloŭskim abłvykankamie byli padpisanyja inviestycyjnyja dahavory pamiž Respublikaj Biełaruś i ZAT «Vakaru miadzienas hrupie», Respublikaj Biełaruś i zamiežnym TAA «Miebiełain».
«Mahu skazać, što na siońniašni dzień heta samaja bujnaja naša inviestycyja. My dumajem, što heta inviestycyja bolš dla vyvučeńnia rynku, dla vyvučeńnia pravił», — skazaŭ kiraŭnik kampanii.
Pavodle słoŭ Adamajcisa, jany praličvali ryzyki, «razhladali, analizavali biełaruski rynak, pryciahvali ekśpiertaŭ, rabili vysnovy». «My nie vyłučali biełaruski rynak jak niejki asabliva ryzykoŭny», — zajaviŭ hienieralny dyrektar. «My idziom pracavać, i na nas buduć hladzieć inšyja. I kali nam stanie tut drenna, to jany buduć analizavać», — dadaŭ jon.
Pavodle śćviardžeńnia Ehidyjusa Valancinavičusa,
Pavodle padpisanych ź litoŭskimi kampanijami inviestycyjnych dahavoraŭ, u svabodnuju ekanamičnuju zonu «Mahiloŭ» budzie pryciahnuta bolš za 70 młn. jeŭra zamiežnych inviestycyj, stvorana kala 1.150 pracoŭnych miescaŭ. Uviedzienyja ŭ stroj pradpryjemstvy buduć zadziejničanyja ŭ vytvorčaści mebli kampanii IKEA. Usia pradukcyja, jakaja vyrablajecca ź miascovaj syraviny, budzie pastaŭlacca tolki na ekspart.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary