Milicyjant Davydovič, jaki źbivaŭ Zavadskuju, pajšoŭ na pavyšeńnie, ale chavaje infarmacyju pra siabie?
«Paciarpiełyja» milicyjanty nazyvali ŭ sudzie adrasy, na jakich nie žyvuć.
Pavodle normaŭ, vystupajučy na sudovym pracesie, śviedka musić nazvać adras, dzie jon zarehistravany i žyvie, a taksama adukacyju i miesca pracy.
«Biełsat» pasprabavaŭ dadatkova znajści «paciarpiełych» praz daviedku «Biełtelekam». Vyśvietliłasia, što pa nazvanych imi adrasach žyvuć inšyja ludzi.
Naprykład,
milicyjant, jakoha paśla padziejaŭ na Płoščy pavysili da pasady kamandzira ŭzvodu pałka śpiecyjalnaha naznačeńnia HUUS Minharvykankamu, Juryj Davydovič paviedamiŭ, što žyvie na vuł. Napaleona Ordy, 27–80. Nahadajem, što mienavita jon fihuravaŭ u spravie udaru Śviatłany Zavadskaj u 2005 hodzie.
U daviedcy 109 nam skazali, što telefon zarehistravany na inšaha čałavieka. My datelefanavalisia da ŭładalnika: «Ni Davydovič, ni Dalidovič (isnuje imaviernaść pamyłki ŭ proźviščy, bo „paciarpieły“ nazyvaŭ źviestki pra siabie cicha i chutka) Juryj Mikałajevič nikoli tut nie žyŭ». Takaja ž historyja i ź milicyjantami Vołkavym, Kaštałanavym, Pałavinkam, Pierapiejkam i Lepiešam.
Pierad davańniem pakazańniaŭ
sudździa papiaredziła «paciarpiełych» pra toje, što zaviedama chłuślivyja pakazańni karajucca pavodle zakona.Artykuł 401 Kryminalnaha kodeksu Respubliki Biełaruś praduhledžvaje štraf, abo papraŭčyja pracy terminam da dvuch hadoŭ, abo aryšt na termin da šaści miesiacaŭ, abo abmiežavańnie svabody terminam da dvuch hadoŭ.
Pravaabaronca Aleh Voŭčak ličyć, što skažonaja infarmacyja pra miesca žycharstva paciarpiełych nie źjaŭlajecca iłžeśviedčańniem,bo mienavita hetyja dadzienyja da kryminalnaj spravy pramoha dačynieńnia nie majuć. Adnak heta surjoznaja nahoda pastavić pad sumnieŭ usio skazanaje takimi «paciarpiełymi». «Vidavočna, što milicyjanty chacieli schavać častku infarmacyi pra siabie. Ale ŭ hetym vypadku taki paciarpieły — nienadziejnaja krynica infarmacyi dla śledstva i sudovaha pracesu naohuł.
Čamu my tady pavinny vieryć, što jon naohuł milicyjant i tym bolš paciarpieły?Mahčyma, što heta padstaŭny čałaviek — sudździa ž nie spraŭdziła jahonyja dakumienty ŭ zale suda», — zaznačyŭ ekśpiert.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary