Zamiest zapłanavanych 40 chvilinaŭ sustreča ciahnułasia 2,5 hadziny.
Heta byli pieršyja pieramovy palitykaŭ paśla vybaraŭ 19 śniežnia 2010 hoda i chvali masavych represijaŭ, źviazanych ź imi. Pieramovy Łukašenki i Pucina, zapłanavanyja na 40 chvilin, doŭžylisia 2,5 hadziny.
Rasijki premjer Uładzimier Pucin prylacieŭ u Minsk sa spaźnieńniem na paŭtary hadziny. Čakać siabie jon prymusiŭ Alaksandra Łukašenku, biełaruskaha i kazachstanskaha premjeraŭ.
Kartež Pucina ź minskaha aeraportu adrazu ž nakiravaŭsia ŭ rezidencyju Łukašenki, jaki źviarnuŭsia da rasijskaha hościa:
«Nam vielmi važna, Uładzimir Uładzimiravič, pierš za ŭsio pahutaryć na temu adzinaj ekanamičnaj prastory i jaje perspektyŭ, tamu što jak vy, tak i my, biełarusy, asabliva ŭskładajem vialikija nadziei i bačym vialikuju perspektyvu ŭ hetym bujnym sajuzie».
Što da dvuchbakovych adnosin Biełarusi i Rasiei, to Alaksandar Łukašenka zajaviŭ, što ekanamičnych prablem u ich letaś nie ŭźnikała.
Łukašenka nie zhadaŭ vostry kanflikt vakoł ekspartnaha myta na rasiejskuju naftu, jakaja pradajecca ŭ Biełaruś. Kanflikt hety byŭ raźviazany za dziesiać dzion da prezidenckich vybaraŭ.Faktyčna jon i prymusiŭ aficyjny Minsk dałučycca da adzinaj ekanamičnaj prastory. Łukašenka takimi słovami acaniŭ dvuchbakovyja prablemy z Rasiejaj: «A ŭvohule — žyć možna, tym bolš što žyć treba, i my starajemsia ŭ hetych adnosinach dziejničać».
Uładzimir Pucin adznačyŭ, što papiaredni hod byŭ udały dla raźvićcia biełaruska-rasiejskich ekanamičnych suviaziaŭ, što dvuchbakovy handlovy abarot vyras na 19 %, i padkreśliŭ asabistyja zasłuhi Łukašenki ŭ intehracyjnych pracesach na postsavieckaj prastory: «Što da intehracyjnych pracesaŭ, to my bačym, viedajem, što vy źjaŭlajeciesia paśladoŭnym prychilnikam intehracyi na postsavieckaj prastory, i heta prajaŭlajecca ŭ tym, što my jakasna i ŭ ścisłyja terminy padrychtavali i ŭchvalili šerah kanceptualnych dakumientaŭ, jakija datyčać intehracyi pamiž Rasijaj, Biełaruśsiu i Kazachstanam u ramkach mytnaha sajuzu i adzinaj ekanamičnaj prastory».
Stratehičnym pytańniem pieramovaŭ Pucina ŭ Minsku byŭ udzieł Rasii ŭ budaŭnictvie ŭ Biełarusi AES.Pierad pryjezdam Pucina Łukašenka ŭchvaliŭ prajekt pahadnieńnia ab supracoŭnictvie ŭ budaŭnictvie AES u Biełarusi — z ulikam novych pryncypovych momantaŭ, uniesienych u vyniku pieramovaŭ z rasiejskim bokam.
AES u Biełarusi miarkujuć uźvieści pavodle rasijskaha prajektu, pa ŭnutryrasijskich cenach i za rasijski ž kredyt, i adkazvać za budoŭlu maje rasijskaja ž kampanija.Pakul baki nie pryjšli da zhody nakont pamieru kredytu — 9 miljardaŭ dalaraŭ, jak choča Minsk, ci 6 miljardaŭ, na jakija hatovaja Maskva. Ale kredytnaje pahadnieńnie źbirajucca padpisać tolki ŭ červieni-lipieni.
Uładzimir Pucin siońnia paabiacaŭ, što Biełaruskaja AES budzie lepšaja za japonskija, jakija paciarpieli ad ziemlatrusu.
«Tyja prajekty pa budaŭnictvie Biełaruskaj AES, jakija my źbirajemsia realizoŭvać, naležać da samaha apošniaha pakaleńnia, i ŭzrovień abaronienaści našmat vyšejšy, niahledziačy navat na toje, što Biełaruś nie znachodzicca ŭ takoj siejśmičnaj zonie, jak Japonija»,— zajaviŭ Uładzimir Pucin.
Pavodle jaho słoŭ, u Japonii dziejničajuć amierykanskija reaktary 40-hadovaj daŭniny.
Aprača kredytu na AES, Minsk choča pazyčyć u Antykryzisnym fondzie EŭrAzEs jašče 2 miljardy dalaraŭ.Vyrašalnaja tut pazycyja Rasii. Pamier fondu — 8,5 miljarda dalaraŭ, ź jakich kala 8 miljardaŭ uniesła Rasija, a Biełaruś — tolki 1 miljon dalaraŭ hrašyma i 9 miljonaŭ — vieksielem. U samim fondzie siońnia zajavili, što pakul hatovyja dać Biełarusi kredyt pamieram u 400 miljonaŭ dalaraŭ.
Jak paviedamiła rasiejskaje ahienctva RIA Novosti sa spasyłkaj na «krynicy va ŭradzie Rasii», Pucin mieŭ namier abmierkavać sytuacyju z rasijskimi hramadzianami Arciomam Breŭsam i Ivanam Haponavym, jakich, pavodle acenak rasijskaha boku, niezakonna asudzili pa kryminalnaj spravie ab padziejach 19 śniežnia ŭ Minsku.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie3
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary