Treci raz za hod. Hałoŭny redaktar haziety Uładzimir Bazan: «Usio tłumačycca prosta: nieŭzabavie vybary, i ŭłady chočuć pazbavicca ad haziety».
6 śniežnia, u aŭtorak, u pieršaj pałovie dnia redakcyja niezaležnaj hramadska-palityčnaj haziety «Vitiebskij kuŕjer» atrymała piśmovaje rasparadžeńnie ad svajho arendadaŭcy – AAT «Ełsan» – vyzvalić zajmajemaje pamiaškańnie napraciahu dvuch sutak: da 12 hadzin 8 śniežnia.
U liście paviedamlajecca, što dahavor arendy pamiaškańnia pryznany niesapraŭdnym, a ŭ dužkach udakladniajecca – «ničtožnym». Da takoha rašeńnia pryjšoŭ nahladalny saviet pradpryjemstva «Ełsan». List padpisany jaho dyrektaram Dźmitračenka (pa-rusku jahonyja inicyjały – V.H.). U liście taksama ŭkazana, što pry zaklučeńni dahavora arendy byli dapuščanyja parušeńni zakanadaŭstva, a mienavita: raźmiaščeńnie redakcyi ŭ hetym budynku nie było ŭzhodniena z administracyjaj Pieršamajskaha rajona Viciebska, na terytoryi jakoha i znachodzicca zaraz «Vitiebskij kuŕjer».
Hałoŭny redaktar haziety Uładzimir Bazan ličyć hety zahad «palicejskim» i supraćzakonnym: «Redakcyja nie parušyła nivodnaha punktu dahavora arendy, tym bolš, za taki niepraciahły čas, što my znachodzimsia ŭ novym budynku paśla pierajezdu 20 kastryčnika. Minuła tolki paŭtara miesiaca. I voś zaraz znoŭ nam zahadana, pryčym, jak u armii, pieradysłacyravacca ŭ 48 hadzin na novaje miesca. Ale ŭsio tłumačycca prosta: nieŭzabavie vybary, i ŭłady chočuć pazbavicca ad haziety».
Raniej, kali hazietu vyhaniali z byłych pamiaškańniaŭ (za hod jana pieražyła dva pierajezdy), to nikoli nie patrabavali vyzvalić pamiaškańnie za taki karotki termin. Na pierajezd byłyja haspadary davali dosyć šmat času. Zdajecca, heta ŭvohule precedent u Biełarusi: ułady dasiul nie abychodzilisia tak žorstka ni z adnym niedziaržaŭnym vydańniem.
Hałoŭny redaktar nie vyklučaje, što a 12 hadzinie 8 śniežnia ŭ ofisie haziety moža źjavicca chto zaŭhodna z karnych orhanaŭ.
❏
Hladzi jašče:
«Viciebski kurjer» znoŭ musiŭ pierajechać
«Vitiebskij kuŕjer» na miažy vyžyvańnia
U Viciebsku abjaviŭsia svoj Atroščanka
«Vitiebskij kuŕjer M» vyklikali ŭ sud
«Viciebski kurjer M» zasudzili
Aŭtary pahroz u adras niedziaržaŭnych haziet niedasiahalnyja dla milicyi?
Hazieta «Vitiebskij kuŕjer M» atrymała ŭznaharodu ad pravasłaŭnaj carkvy
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary