Nakont svajoj zajavy pra katavańni ŭ śledčym izalatary Kamiteta dziaržbiaśpieki.
Eks-kandydat u prezidenty Alaksiej (Aleś) Michalevič, jaki zaraz znachodzicca ŭ Čechii, hatovy dać Hienieralnaj prakuratury Biełarusi tłumačeńni adnosna svajoj zajavy pra katavańni ŭ śledčym izalatary Kamiteta dziaržbiaśpieki.
Pra heta paviedamiła jaho žonka.
Pavodle słoŭ Miłany Michalevič, jana treci dzień sprabuje źviazacca z supracoŭnikam Hienprakuratury, jaki padpisvaŭ pazoŭ jaje mužu z vyklikam dla dačy tłumačeńniaŭ, kab daviedacca, jak možna arhanizavać hetuju praceduru. Naprykład, ci mahčyma padać nataryjalna zavieranyja pakazańni. Adnak joj uvieś čas adkazvajuć, što supracoŭnik znachodzicca ŭ SIZA KDB.
«Vidać, u Hienprakuratury nie asabliva imknucca atrymać tłumačeńni», — miarkuje Miłana Michalevič.
Jak paviedamlałasia raniej, na padstavie zajavy palityka pa daručeńni hienieralnaha prakurora Ryhora Vasileviča ŭ śledčym izalatary arhanizavana prakurorskaja pravierka. I, jak paviedamili ahienctvu ŭ Hienprakuratury, jana jašče praciahvajecca.
A. Michalevič, jaki paprasiŭ palityčnaha prytułku ŭ Čechii, zaraz znachodzicca ŭ karancinnym łahiery ŭ Brno. Tam zabaroniena karystacca mabilnymi telefonami, skazała Miłana Michalevič, tamu z mužam jana nie razmaŭlała. Jon tolki prysłaŭ elektronnaje paviedamleńnie, što ŭ jaho ŭsio ŭ paradku.
Nahadajem, nočču 14 sakavika ŭ svaim błohu Alaksiej Michalevič abjaviŭ, što znachodzicca «nie ŭ zonie dasiahalnaści biełaruskaha KDB».
Ruch «Za Svabodu» paviedamiŭ, što jamu ŭdałosia nočču vyjechać z krainy, daroha ŭ «nadziejnaje miesca» zaniała sutki. Siamja zastałasia ŭ Minsku. «Dla mianie isnuje adzinaja pryčyna, jakaja apraŭdvaje takija maje kroki, — heta realnaja fizičnaja pahroza, — zajaviŭ
Alaksiej Michalevič prachodzić abvinavačvanym pa kryminalnaj spravie ab masavych biesparadkach u Minsku 19 śniežnia 2010 hoda (art. 293 KK). Jon byŭ zatrymany ŭ noč na 20 śniežnia. 19 lutaha jaho adpuścili sa śledčaha izalatara KDB pad padpisku ab niavyjeździe.
-
Kiraŭnika vialikaj kampanii sielhastechniki asudzili za palityku
-
Chacieli ŭkłaścisia ŭ 45 tysiač, a vyjšła 75 tysiač rubloŭ. Maładyja raskazali pra vydatki na viasielle
-
«Da apošniaha momantu vieryli, što chvaroba budzie pieramožanaja». Ina Kulej pra chvarobu i śmierć Alaksandra Milinkieviča i jaho spadčynu
Kamientary