Aŭtar pieśni dla «Jeŭrabačańnia»: Ja ŭ žyćci nie čuŭ piesień «Siektar Haza»
Jaŭhien Alejnik adkazaŭ na abvinavačvańni ŭ płahijacie.
Jaŭhien Alejnik adkazaŭ na abvinavačvańni ŭ płahijacie.
«Ja ŭ žyćci nie čuŭ pieśni hurtu “Siektor Haza”, možacie mnie pavieryć», — zajaviŭ «Našaj Nivie» aŭtar pieśni dla «Jeŭrabačańnia» Jaŭhien Alejnik, jakoha adzin z słuchačoŭ zapadozryŭ ŭ płahijacie. Dla paraŭnańnia jon złučyŭ u adno frahmienty prypievaŭ dźviuch piesień — «Ja lublu Biełaruś» i «Hulaj, mužik».
Jaŭhien Alejnik padkreśliŭ, što dla abvinavačańniaŭ u płahijacie treba paraŭnoŭvać noty i zapeŭniŭ, što miełodyja pieśni «Ja lublu Biełaruś» — aryhinalnaja.
«Heta ŭžo robicca śmiešnym. Ni ŭ adnoj krainie śvietu takoha niama. Tolki ŭ nas takoje: biełarusy topiać svaich ža biełaruskich vykanaŭcaŭ. Pačynajučy z samaha pieršaha našaha vystupleńnia na konkursie i da pieśni Naści. Adno mahu skazać — niachaj im budzie soramna»,— aburajecca Jaŭhien Alejnik. Pa jaho słovach, usio pačałosia ź pieršaj prezientacyi pieśni ŭ Linhvistyčnym univiersitecie na zakrytym pakazie, kali potym «niejkija dobryja ludzi» vykłali videa pieśni sa staroj jašče nazvaj «Born in Bielorussia» ŭ Sieciva.
Jon kaža, što ŭsie hetyja historyi vakoł jahonaj pieśni dla «Jeŭrabačańnia» jamu mocna nadakučyli: «Kali ŭ kahości jašče jość niejkija pretenzii, hatovy razhladzieć ich u sudzie».
Nahadajem, što na sioletnim «Jeŭrabačańni» ŭ Niamieččynie našu krainu pradstavić studentka Minskaha linhvistyčnaha ŭniviersiteta Nastaśsia Vińnikava. Konkursnaja pieśnia niekalki razoŭ źmianiała nazvu i tekst — pieršapačatkovaja «Born in Bielorussia» vyklikała chvalu niehatyŭnych vodhukaŭ i była źmienienaja niejtralnuju «I love Belarus».
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?6
Kamientary