Muzyka Alaksandr Kulinkovič supakojvaje: heta raspaŭsiudžany matyŭ.
Muzyka Alaksandr Kulinkovič supakojvaje: heta raspaŭsiudžany matyŭ.
U redakcyju «Našaj Nivy» napisaŭ čytač, jaki padzialiŭsia svaimi nazirańniami nakont pieśni Nastaśsi Vińnikavaj «Ja lublu Biełaruś» («I love Belarus»). Na jaho dumku, aŭtary muzyki vykarystali pieśniu pank-hurta «Siektor haza» «Hulaj, mužik». Dla paraŭnańnia naš čytač prapanavaŭ nievialiki trek, u jakim złučyŭ u adno frahmienty prypievaŭ dźviuch piesień.
Słuchajem. I sapraŭdy — padabienstva vidavočnaje.
My prapanavali pasłuchać dasłany čytačom trek lidaru hurtu «Niejra Dziubiel» Alaksandru Kulinkoviču. Aznajomiŭšysia ź im, muzyka vynies vierdykt: «Adnaznačna heta adna i taja ž miełodyja». I tut ža supakoiŭ, zaznačyŭšy, što całkam upeŭnieny ŭ adsutnaści płahijatu z boku aŭtaraŭ muzyki da pieśni «Ja lublu Biełaruś». «Heta nastolki prostaja i raspaŭsiudžanaja miełodyja, što my možaš lohka adšukać nie adnu pieśniu ź vielmi padobnym matyvam», — padkreśliŭ Kulinkovič. — «Tut jak u bluzie, ci rok-n-role, dzie časta sustrakajucca padobnyja ryfy. Usio ž heta nie “Yesterday”, ci “Let it be” ź ich kłasičnymi i składanymi miełodyjami».
Atrymać kamientar u stvaralnikaŭ pieśni pakul nie atrymałasia.
Nahadajem, što na sioletnim «Jeŭrabačańni» ŭ niamieckim Dziusieldorfie našu krainu pradstavić studentka Minskaha linhvistyčnaha ŭniviersiteta Nastaśsia Vińnikava. Konkursnaja pieśnia niekalki razoŭ źmianiała nazvu — ad skandalnaj «Born in Bielorussia» da niejtralnaj «I love Belarus».
-
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
-
Premija MTV: tryumf Tejłar Śvift i emacyjnaja pramova Ryty Ory ab udzielniku One Direction
-
«Ja nie viarnuś dadomu, Vaŭkałak!». Historyja kachańnia i pieraradžeńnia ŭ novym fentezijnym klipie hurta Irdorath
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA11
Kamientary