Rasija stavić zadaču ŭ 11 razoŭ uźniać akcyzy na tytuń u krainach Mytnaha sajuza.
Rasija stavić zadaču ŭ 11 razoŭ uźniać akcyzy na tytuń u krainach Mytnaha sajuza. Samy tanny pačak cyharet u Mytnym sajuzie ŭ 2015 hodzie budzie kaštavać 3 dalary. Ciapier u Biełarusi «Astra» kaštuje 600 rubloŭ, «Minsk» — trochi bolš za tysiaču.
Ministr finansaŭ Rasiei Alaksiej Kudryn aficyjna paćvierdziŭ płan rasijskaha ŭrada padvysić ŭ 2012 hodzie akcyzy na tytuń na 60%, a nie na 30%, jak mierkavałasia raniej.
«Ciapier my znachodzimsia na ŭzroŭni 270 rubloŭ [30 000 biełaruskich rubloŭ] za tysiaču cyharet. Nam treba vyjści na ŭzrovień 3 tysiačy rubloŭ [330 000 biełaruskich rubloŭ] za tysiaču cyharet da 2015 hoda. Heta istotny rost, tamu my ŭ bližejšyja hady płanujem paskorana iści pa šlachu pavyšeńnia akcyzaŭ», — zajaviŭ Kudryn, vystupajučy ŭ Dziarždumie Rasii.
Da 2014 hodzie pamier akcyza na tytuń dasiahnie 1,5–2 tysiač rasijskich rubloŭ za tysiaču cyharet, dadaŭ ministr finansaŭ. Padvysiŭšy ŭ 2012 hodzie akcyzy na tytuń na 60%, Rasieja maje namier zatym ruchacca da jašče bolš značnaha pavieličeńnia. «Kali rost akcyzaŭ na tytuń adbyvajecca tempam 50%, heta, viadoma, mianiaje pavodziny kurcoŭ i pradpryjemstvaŭ, jakija płanujuć svaje vytvorčyja mahutnaści, tamu, ja dumaju, nam nielha adrazu patrojvać akcyz, ale treba iści tempam 50–70%», — miarkuje Kudryn.
Pa słovach ministra finansaŭ, Rasieja «budzie pracavać z partniorami pa Mytnym sajuzie» ŭ pytańni pavyšeńnia tytuniovych akcyzaŭ, «tym bolš što, naprykład, Biełarusi dla źnižeńnia deficytu svajho biudžetu patrebnyja dadatkovyja srodki», — rastłumačyŭ čynoŭnik.
Rašeńnie ab pavyšeńnie akcyzaŭ budzie prymacca Kamisijaj Mytnaha sajuza, kudy ŭvachodziać pradstaŭniki ŭsich troch dziaržaŭ.
Pry takim roście akcyzaŭ u 2015 hodzie cana samaha tannaha pačka cyharet u roźnicy dasiahnie ekvivalentu troch dalaraŭ. Na siońnia heta kala 10 tysiač rubloŭ. Ciapier u Biełarusi «Astra» biełaruskaj vytvorčaści kaštuje 600 rubloŭ, «Minsk» ź filtram — trochi bolš za tysiaču. U Biełarusi palić kala čatyroch miljonaŭ čałaviek.
Akcyzy na tytuń u krainach ES našmat vyšejšyja, čym u Biełarusi. Tak dziaržavy zmahajucca suprać škodnaj dla zdaroŭi zvyčki i papaŭniajuć biudžet.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary