Vasilevič i Pralaskoŭski pahražajuć «Našaj Nivie» adkaznaściu za publikacyi
Voś tak niečakana nad hazietaj navisła pahroza źniščeńnia.
Adrazu dvoje vysokich čynoŭnikaŭ u piatnicu vykazalisia adnosna materyjałaŭ «Našaj Nivy» (numar ad 13 krasavika).
Hienieralny prakuror Ryhor Vasilevič zaznačyŭ, što «ŭ adnoj z haziet była nadrukavanaja nastupnaja fraza: ««Vybuchoŭku padkłali supracoŭniki adnoj sa śpiecsłužbaŭ». Jon zaznačyŭ, što padobnyja frazy nie zastanucca biez uvahi.
Pad takim zahałoŭkam byŭ nadrukavany kamientar pałkoŭnika Uładzimira Baradača. Jon byŭ raźmieščany ŭ rubrycy «kamientary i mierkavańni».Pad artykułam było napisana: «Nahadajem, što ŭ rubrycy «Mierkavańni» publikujucca artykuły, jakija mohuć supadać, a mohuć i nie supadać ź mierkavańniem Redakcyi».
Na toj sama pałasie byli nadrukavanyja taksama acenki Kazulina, Milinkieviča, Davydźki i Musijenki.
Što datyčyć ministra infarmacyi Aleha Pralaskoŭskaha,
to jon źviarnuŭ uvahu na publikacyju: «Chto? Teror suprać ułasnaha naroda? Abo zamiežnaja dyviersija? Abo psich?» (staronka 3).
«Usio taja ž apazicyjnaja hazieta niadaŭna ŭ zahałoŭku adnaho z svaich materyjałaŭ napisała pra terakt 11 krasavika «teror suprać ułasnaha naroda». Voś jakraz takija dziejańni biezadkaznych platkaroŭ ad Interneta i ŚMI — heta samy sapraŭdny teror suprać ułasnaha naroda, adkryty i nachabny. Darečy, samym sapraŭdnym teroram suprać ułasnaha naroda źjaŭlajucca i dziejańni viadomych palitykaŭ, na nastupny dzień paśla teraktaŭ u čarhovy raz zapatrabavali ŭviadzieńnia ekanamičnych sankcyj suprać Biełarusi».
Darečy, siońnia ž Ministerstva infarmacyi vyniesła «Našaj Nivie» papiaredžańnie. Heta ŭžo treciaje papiaredžańnie na praciahu apošniaha hoda.
«Naša Niva» zaŭždy imknułasia trymacca jeŭrapiejskich standartaŭ u žurnalistycy. Ekśpierty i čytačy nie raz vysoka aceńvali jaje abjektyŭnaść i prafiesijanalizm.
Voś tak niečakana nad adzinaj całkam biełaruskamoŭnaj ahulnanacyjanalnaj hramadska-palityčnaj hazietaj navisła pahroza źniščeńnia.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary