Niamožna być Ataturkam i Viačasłavam Francavičam Kiebičam adnačasova.
Apošnija dziesiać hadoŭ Biełaruś atrymlivała tannyja naftu j haz uzamien za vasalnuju viernaść Maskvie i, kali ŭžyć metafaru filozafa Valera Bułhakava, «prodaž nacyjanalnaha honaru», h.zn. dobraachvotnuju rusifikacyju. Nibyta dobraachvotnuju. Ciapier raniejšaj schiemie prychodzić kaniec. Maskva pačynaje ličyć kožnuju kapiejku. Heta vytłumačalna: u toj demahrafičnaj i kulturnaj sytuacyi, u jakoj apynułasia Rasieja kožny zhubleny rubiel moža aznačać stratu šancu ŭratavać federacyju ad razvału.
Ale jak adreahuje na sytuacyju biełaruskaje kiraŭnictva?
Kaniec łafy moža stać kancom mytnaha sajuzu, sajuznaj dziaržavy, a paśla i vajskovaha sajuzu.
A moža pryvieści da novych kapitulacyjaŭ: zdačy «Biełtranshazu», stvareńnia parlamentu sajuznaj dziaržavy. Karaciej, da paŭtoru reakcyj na ekanamičny kryzis 90-ch, kali haspadarčaja i siłavaja elita nia bačyła inšaha vyjścia, jak pradacca Rasiei. Pakolki kulturny suverenitet užo pradadzieny, majem jašče ŭ kišeni palityčny i ekanamičny. A heta moža być fatalna dla niezaležnaści.
Tym bolš što i ŭ pieršym, i druhim varyjancie nas čakaje kaniec sacyjalnaj stabilnaści. Zamožnaja Biełaruś patrebnaja Kramlu hetaksama, jak zamožnaja Mardva.
Biełarusy mocna hanarylisia ekanamičnym rostam, zaroblenym canoj prodažu ŭłasnaha honaru. Plitačkaj, hazonami i pałacami. Spynieńnie naftahazavych datacyj pravieryć biełaruskuju elitu na śpiełaść. Abo vy budujecie nacyju, abo dumajecie, jak by najdaŭžej utrymacca na pasadzie. Niamožna być Ataturkam i Viačasłavam Francavičam Kiebičam adnačasova.
-
«Historyja poŭnaja niečakanaściaŭ, i nie ŭsie jany niepryjemnyja». Piśmieńnica Kryścina Sabalaŭskajcie parazvažała pra VKŁ, Biełaruś i Rasiju
-
Statkievič prapanavaŭ łozunh, jaki abjadnaje bolšaść biełarusaŭ
-
Hubarevič sprabuje ŭziać Babaryku na słabo: «Jość apasieńni, što nie atrymajecca pieraadoleć prachadny barjer na vybarach u KR?»
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš5
Kamientary