Ekśpiert: Pašyrajučy kalidor vahańniaŭ kursu rubla, Nacbank naŭrad ci vyratuje situacyju na valutnym rynku

Svaimi dziejańniami Nacyjanalny bank naŭrad ci vyratuje situacyju na valutnym rynku, ale zatoje vykliča jašče bolšuju napružanaść u dziełavym asiarodździ i ŭ nasielnictva.

Takoje mierkavańnie vykazaŭ BiełaPAN kiraŭnik Asacyjacyi małoha i siaredniaha pradprymalnictva Siarhiej Bałykin, kamientujučy namier Nacbanka 12 maja pašyryć kalidor vahańniaŭ kursu biełaruskaha rubla da košyka valut (dołar, jeŭra, rasijski rubiel) z 8 da 12%.

«Ščyra kažučy, usia heta situacyja z kursam biełaruskaha rubla nahadvaje drenna pastaŭlenuju mylnuju opieru.

Finał poŭnaściu pradkazalny, ale siužetnaja linija zaciahnuta zvyš nieprystojnaści. Heta ŭžo navat nie śmiešna»,

Pavodle jaho słoŭ, kali kurs dołara na mižbankaŭskim rynku vahajecca ŭ miežach 5 tysiač rubloŭ, pašyreńnie valutnaha kalidora na 4% vyhladaje niekalki dziŭna. «Hety kurs, u cełym, rynkavy, bo jon składajecca pad upłyvam popytu i prapanovy, a kurs na valutnaj biržy — administracyjny, i niekatoraje adpuskańnie pavadka prablemu nie vyrašaje. My ŭsie dobra razumiejem, što ŭsio heta skončycca devalvacyjaj, i

čym daŭžej Nacbank i kiraŭnictva krainy buduć adciahvać pryniaćcie rašeńnia, tym bolš adčuvalnymi buduć jaho nastupstvy»,

Jon ličyć, što kali biełaruskija ŭłady raźličvajuć takim čynam ablehčyć atrymańnie rasijskaha kredytu, to naŭrad ci ŭ ich heta atrymajecca. «Pry ŭsich niedachopach rasijskaha kiraŭnictva heta ŭsio ž adekvatnyja i razumnyja ludzi, i jany vydatna razumiejuć situacyju ŭ sučasnaj Biełarusi, mahčyma, navat lepš za našych čynoŭnikaŭ», — adznačyŭ Bałykin.

Pakul ža, pavodle jaho słoŭ, niapeŭnaść bje pa biełaruskaj ekanomicy, pa biźniesie i nasielnictvie. Subjekty haspadarańnia adčuvajuć vialikija składanaści z nabyćciom valuty, što niehatyŭna adbivajecca na dziejnaści jak imparcioraŭ šyrspažyvu, tak i vytvorcaŭ, jakija vykarystoŭvajuć impartnyja kamplektavalnyja. «Nasielnictva ž vymušana pierapłačvać u mahazinach za samyja nieabchodnyja tavary, sa svajoj kišeni apłačvajučy ekanomika-ideałahičnyja kompleksy ŭład», — kanstatavaŭ Bałykin.

Jon adznačyŭ, što adzinaje pažadańnie i biźniesu, i naroda ŭ cełym uładam — heta pryniać jakoje-niebudź razumnaje rašeńnie, kab raśsiačy toj hordzijeŭ vuzieł, jaki apošnimi miesiacami «ŭtvaryŭsia na šyi biełaruskaj ekanomiki». «Zusim niavažna, nakolki žorstkim budzie heta rašeńnie. Hałoŭnaje, kab jano było kankretnym i pradkazalnym, bo narod i biźnies užo hatovy da ŭsiaho», — skazaŭ ekśpiert.

• 0
• 0
• 0
• 0
• 0
• 0
• 0
• 0