Pa-biełarusku vyjšła manahrafija polskaha historyka Konrada Babiatynskaha «Ad Smalenska da Vilni. Vajna Rečy Paspalitaj z Maskovijaj (1654-1655 hh.)».
Pa-biełarusku vyjšła manahrafija polskaha historyka Konrada Babiatynskaha «Ad Smalenska da Vilni. Vajna Rečy Paspalitaj z Maskovijaj (1654-1655 hh.)».
Kniha pryśviečanaja historyi vajennaha kanfliktu, u vyniku jakoha ŭvosień 1655 hoda amal usiu terytoryju Vialikaha Kniastva Litoŭskaha razam ź Vilniaj zaniali vojski cara Alaksieja Michajłaviča. Heta byŭ pieršy etap vialikaj vajny, jakaja praciahvałasia ŭ 1654-1667 hh. i zaviaršyłasia tolki Andrusaŭskim zamireńniem.
Vajennyja dziejańni 1654-1655 hh. vialisia, hałoŭnym čynam, na terytoryi biełaruskich vajavodstvaŭ VKŁ: Połackaha, Viciebskaha, Mienskaha, Navahradskaha i Bieraściejska Litoŭskaha. Tamu budzie lohka ŭjavić, dzie adbyvalisia apisanyja ŭ knizie padziei. Vajennyja dziejańni raspačalisia abłohaj Smalenska, što na miažy ź siońniašniaj Biełaruśsiu.
Najvažniejšyja bitvy letniaj kampanii 1654 h. i zimova-viesnavoj 1655 h. vialisia na Dniapry i Druci — spačatku pad Škłovam i Šapialevičami, a potym pad Novym Bychavam i Mahilovam. Połymia vajny nie paškadavała i inšych bujnych biełaruskich haradoŭ — Połacka i Viciebska, Mienska i Navahradka, Słucka i Staroha Bychava. Za čas supraćstajańnia jano apaliła amal kožny kutok biełaruskaj ziamli.
Ad Smalenska da Vilni. Vajna Rečy Paspalitaj z Maskovijaj (1654-1655 hh.) / Konrad Babiatynski / Pierakład z polskaj. — Vilnia: Instytut biełarusistyki; Biełastok: Biełaruskaje histaryčnaje tavarystva, 2011. — 171 s.
Kniha drukavałasia ŭ №№7-8-2008 časopisa «Arche». Zamović manahrafiju možna tut.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary