U Breście prajšli pieršyja sudy nad zatrymanymi padčas maŭklivaj akcyi pratestu
U Breście prajšli pieršyja sudy nad zatrymanymi viečaram 29 červienia padčas praviadzieńnia maŭklivaj akcyi pratestu «Revalucyja praz sacyjalnyja sietki».
Jak paviedamiŭ pravaabaronca Raman Kiślak, 30 červienia ŭ sudzie Leninskaha rajona horada byli razhledžanyja administracyjnyja spravy siemiarych takich hramadzian, jakija abvinavačvalisia pa č. 1 art. 23.34 KoAP (udzieł u praviadzieńni niesakncyjanavanaha mierapryjemstva).
Ź ich čaćviora pryznanyja vinavatymi i pakaranyja štrafami ŭ pamiery 4–6 bazavych vieličyń.
Razhlad dźviuch administracyjnych spraŭ byŭ adkładzieny: u adnym vypadku — pa toj pryčynie, što abvinavačvany zapatrabavaŭ advakata; u druhim — u suviazi z tym, što padsudny chadajničaŭ ab vykliku ŭ sud i dopycie śviedki.
Materyjały jašče adnoj administracyjnaj spravy viernutyja ŭ milicyju na dapracoŭku.
«U sudzie ŭsie siamiora zajaŭlali, što trapili ŭ kałonu ludziej vypadkova, — raskazaŭ pravaabaronca. — Jak vynikała z pratakołaŭ, kožny z hetych hramadzian «uziaŭ udzieł u vuličnym šeści, arhanizavanym
Pavodle najaŭnych źviestak,
siońnia pavinny prajści sudy nad jašče dziesiaćciu zatrymanymi 29 červienia.
U toj viečar, pa acenkach naziralnikaŭ, u maŭklivaj akcyi pratestu ŭ Breście ŭziali ŭdzieł nie mienš čym 600 čałaviek. Pavodle nieaficyjnaj infarmacyi, było zatrymana 75 čałaviek, u tym liku dvoje žurnalistaŭ. Pradstaŭnikoŭ ŚMI nieŭzabavie adpuścili, astatnich — dastavili ŭ Leninski RAUS, adkul praz paŭhadziny byli adpuščanyja jašče šaściora.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary