19 lipienia Minski haradski sud razhledzieŭ skarhu Siarhieja Krukoŭskaha.
Maładoha mužčynu, zatrymanaha ŭ stalicy 13 lipienia i litaralna zaniesienaha «ludźmi ŭ cyvilnym» u milicejski mikraaŭtobus u pozie «betmena», abvinavacili ŭ tym, što jon «niecenzurna łajaŭsia, machaŭ rukami i pieraškadžaŭ hramadskamu paradku».19 lipienia Minski haradski sud razhledzieŭ skarhu ŭdzielnika akcyi maŭklivaha pratestu minčanina Siarhieja Krukoŭskaha na rašeńnie suda Savieckaha rajona, jaki pryznačyŭ jamu
8-sutačny administracyjny aryšt.
U interv`iu BiełaPAN žonka aryštavanaha Alena Kościna raskazała pra pasiadžeńnie haradskoha suda:
«Sud adchiliŭ usie dokazy, paličyŭšy, što jany nie ź`iaŭlajucca niejkaj bazaj dla pierahladu rašeńnia. Nam zajavili: nie fakt, što byli mienavita hetyja śviedki (takija znajšlisia na karyść Siarhieja),
nie pryniali padadzienyja nami razdrukoŭki z telefonnaj kampanii ab tym, što moj muž u toj momant, kali „niecenzurna łajaŭsia“, razmaŭlaŭ pa telefonie.Fatahrafii, dzie adlustravana zatrymańnie majho muža, taksama nie ŭziali pad uvahu. My taksama padavali chadajnictva, kab u sud vyklikali supracoŭnikaŭ milicyi, jakija śviedčyli toj fakt, što moj muž parušaŭ pravaparadak, ale i ŭ hetym nam było admoŭlena».
Pavodle słoŭ žančyny, jany nie majuć namieru zdavacca i buduć padavać skarhu staršyni Minharsuda. «Treba dakazać, što čałaviek na samaj spravie nie vinavaty, a ŭsie hetyja rašeńni — prosta lipavyja», — zajaŭlaje Alena.
Ciapier čytajuć
ZŠA pieradali Łukašenku najnoŭšyja amierykanskija leki dla pachudańnia4
Kamientary