Dapaŭnieńni i źmianieńni va ŭkaz ab dolevym budaŭnictvie

Uniesieny dapaŭnieńni i źmianieńni va ŭkaz ad 15 červienia 2006 hoda № 396 «Ab dolevym budaŭnictvie šmatkvaternych žyłych damoŭ».

Jak paviedamlaje pres-słužba prezidenta, ukaz № 324, jaki Alaksandr Łukašenka padpisaŭ 19 lipienia, «pryniaty z metaj dalejšaha ŭdaskanaleńnia pravaadnosin bakoŭ pry dolevym budaŭnictvie šmatkvaternych žyłych damoŭ u Biełarusi».

Ukazam praduhledžvajecca pieršačarhovaja vydača miascovymi vykanaŭčymi i rasparadčymi orhanami nakiravańniaŭ dla zaklučeńnia dahavora z zabudoŭščykam hramadzianam, jakija nie majuć va ŭłasnaści žyłych pamiaškańniaŭ, u tym liku tym, chto žyvie ŭ internatach, žyłych pamiaškańniach dziaržaŭnaha i pryvatnaha žyllovych fondaŭ.

U adpaviednaści z dakumientam budzie dadatkova ŭrehulavany paradak funkcyjanavańnia śpiecyjalnych rachunkaŭ pa akumulavańni hrašovych srodkaŭ dolščykaŭ, što ŭnosiacca na finansavańnie abjektaŭ dolevaha budaŭnictva, z metaj zabieśpiačeńnia zachavanaści i raschodavańnia pa metavym pryznačeńni srodkaŭ hramadzian.

Uvodzicca abaviazkovaja dziaržaŭnaja rehistracyja miascovymi vykanaŭčymi i rasparadčymi orhanami dahavoraŭ stvareńnia abjektaŭ dolevaha budaŭnictva.

Ukazam praduhledžvajecca taksama pieraraźlik koštu budaŭnictva žyłych pamiaškańniaŭ dla hramadzian, jakija stajać na ŭliku dla palapšeńnia žyllovych umoŭ i budujuć žyllo pry dapamozie dziaržaŭnaj padtrymki, pry źnižeńni faktyčnych zatrat u paraŭnańni z płanavymi.

Uradu dadziena prava ŭstanaŭleńnia dadatkovych patrabavańniaŭ, što vystaŭlajucca da zabudoŭščykaŭ.

Ukazam taksama praduhledžvajecca rehulavańnie šerahu inšych pytańniaŭ u śfiery dolevaha budaŭnictva. Tak, z metaj abarony pravoŭ dolščykaŭ vyklučana pałažeńnie, što vyznačaje maksimalny termin budaŭnictva ŭ try hady. Žyłyja damy buduć budavacca z ulikam narmatyŭnych terminaŭ budaŭnictva.

Akramia taho, kankretyzavany paradak pieradačy zabudoŭščykam dolščyku pabudavanaha abjekta pry ŭmovie poŭnaj vypłaty jaho koštu.

Pry hetym uličany prapanovy Nacyjanalnaha banka pa kankretyzacyi paradku funkcyjanavańnia śpiecyjalnych rachunkaŭ, a taksama AAB «Biełarusbank» pa pašyreńni pieraliku asob, na jakich moža raspaŭsiudžvacca prava dolščyka zrabić ustupku pravoŭ pa dahavory.

Ukaz nabyvaje moc praz try miesiacy paśla jaho aficyjnaha apublikavańnia. Dziejańnie dakumienta nie raspaŭsiudžvajecca na dahavory stvareńnia abjektaŭ dolevaha budaŭnictva, zaklučanyja da taho jak nabyŭ moc zhadany dakumient.

• 0
• 0
• 0
• 0
• 0
• 0
• 0
• 0