Ab hetym zajaviŭ siońnia pieršy namieśnik prem'jer-ministra Biełarusi Uładzimir Siamaška na sustrečy ź ministram pramysłovaści i pryrodnych resursaŭ Iraka Achmiedam al-Karbuli.
Pieršy vice-premjer adznačyŭ, što Biełaruś hatova aktyŭna ŭdzielničać u adnaŭleńni infrastruktury Iraka, pad kluč budavać i prajektavać žyllo, hramadzianskija i pramysłovyja abjekty, a taksama abjekty enierhietyki. Uładzimir Siamaška dadaŭ, što biełaruski ŭrad dobra ŭjaŭlaje tyja ciažkaści, ź jakimi sutykajecca ŭrad Iraka. «My hatovy dapamahčy ŭradu Iraka chutka adnavić krainu i ruchacca dalej pa šlachu sacyjalna-ekanamičnaha raźvićcia», — padkreśliŭ jon.
U svaju čarhu ministr pramysłovaści i pryrodnych resursaŭ Iraka Achmied al-Karbuli adznačyŭ, što pamiž krainami skłalisia družalubnyja adnosiny. Ministr vykazaŭ upeŭnienaść u tym, što pašyreńnie ekanamičnaha supracoŭnictva pamiž Biełaruśsiu i Irakam stanie asnovaj dla ŭmacavańnia palityčnych adnosin.
Achmied al-Karbuli taksama dadaŭ, što Irak pieražyvaŭ ciažki čas, ciapier pačynajecca adnaŭleńnie jaho infrastruktury. «My zacikaŭleny ŭ tym, kab u hetaj rabocie pryniali ŭdzieł biełaruskija kampanii jak dziaržaŭnaha siektara, tak i pryvatnyja», — skazaŭ jon. Na dumku ministra, vizit irakskaj delehacyi ŭ Biełaruś stanie prykładam dla inšych ministerstvaŭ, kab naviedać Biełaruś.
«Ministerstva pramysłovaści i pryrodnych resursaŭ Iraka hladzić na svaich biełaruskich kaleh jak na stratehičnych partnioraŭ», — padkreśliŭ Achmied al-Karbuli. Pry hetym jon dadaŭ, što padpisańnie šerahu kantraktaŭ pamiž ministerstvami i kampanijami dźviuch krain było zatrymana. Pavodle słoŭ ministra, pryčynaj taho staŭ niedachop infarmacyi. Achmied al-Karbuli vykazaŭ upeŭnienaść, što ŭ budučym usie hetyja pytańni buduć źniaty, i krainy zmohuć padpisać mnostva dakumientaŭ ab raźvićci supracoŭnictva.
Irakski bok vykazvaje zacikaŭlenaść u realizacyi takich pramysłovych prajektaŭ, jak ramont karjernaj techniki biełaruskaj vytvorčaści, stvareńnie vytvorčaści vohnietryvałaj cehły, adkryćcio vytvorčaści škła i kieramiki, a taksama ŭ abmienie ź Biełaruśsiu inavacyjnymi technałohijami.
Kamientary