Barak Abama abvieściŭ: stol doŭhu padnimuć, ale i dziaržaŭnyja vydatki skarociać. Stareńnie nasielnictva stvaraje vializnuju nahruzku na biudžety krain Zachadu.
Barak Abama abvieściŭ: stol doŭhu padnimuć, ale i dziaržaŭnyja vydatki skarociać.
Prezident ZŠA abvieściŭ uviečary ŭ niadzielu ab dasiahnieńni kampramisu z respublikancami ŭ kanhresie pa paramietrach zakona ab uźniaćci stoli dziarždoŭhu.Heta praduchilić defołt pa abaviazacielstvach amierykanskaha ŭrada. Jon moh nadyści ŭžo 2 žniŭnia.
«Abiedźvie partyi — respublikancy i demakraty — dasiahnuli pahadnieńnia, jakoje źnižaje deficyt i advodzić ad nas ad pahrozy defołtu, — skazaŭ Abama. — Uźniaćcie stoli dziarždoŭhu zavieršyć hety kryzis i raźvieje chmary nad ekanomikaj ZŠA».
«Adnak rabota jašče nie skončana. Ja chaču zaklikać kanhresmenaŭ i sienataraŭ abiedźviuch partyj padtrymać hety kampramis», — adznačyŭ prezident ZŠA.
Dasiahnutaje pahadnieńnie skarocić vydatki biudžetu na $2,4 tryljona.Detali skaračeńnia biudžetu vyrašać razam vykanaŭčaja ŭłada i apazicyja, jakaja kantraluje pałatu pradstaŭnikoŭ.
Vystup prezidenta ZŠA praciahvaŭsia nie bolš za piać chvilin, jon admoviŭsia adkazvać na pytańni žurnalistaŭ.
Niahledziačy na dasiahnieńnie kampramisu pamiž Abamam i liderami kanhresa, adpaviednaje zakanadaŭstva nieabchodna jašče zaćvierdzić u abiedźviuch pałatach zakanadaŭčaha orhana. Heta składany praces, bo zakanadaŭcy kirujucca intaresami svaich vybarcaŭ, jakija časam roźniacca.
Defołt moh by pryvieści da niepradkazalnych uzrušeńniaŭ u suśvietnaj ekanomicy, nakštałt depresii
Stareńnie nasielnictva stvaraje vializnuju nahruzku na biudžety krain Zachadu. U roznaj stupieni prablema deficytu ŭłaściva taksama krainam Jeŭropy.Pieravaha starejšych ludziej siarod vybarcaŭ stvaraje prablemu dla demakratyčna abranych uładaŭ. Dla vyrašeńnia prablemy deficytu treba prymać zachady, jakija nie mohuć być papularnymi siarod piensijanieraŭ.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu10
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary