Mytny sajuz padpisaŭ nie jon, i da rostu cen na enerhanośbity krainu nie padrychtavaŭ chtości inšy.
Mytny sajuz padpisaŭ nie jon, i da rostu cen na enerhanośbity krainu nie padrychtavaŭ chtości inšy.
Niama pryčyn panikavać i kryčać ab mahčymaj katastrofie ŭ ekanomicy, zajaviŭ Alaksandr Łukašenka, vystupajučy z dakładam na naradzie piedahahičnaha aktyvu Biełarusi.
Ale jon pryznaŭ, što «abvastryŭsia šerah finansavych prablem». «Ščyra skažu, inflacyja, devalvacyja biełaruskaha rubla, deficyt valuty pryviali da źnižeńnia taho ŭzroŭniu žyćcia ludziej, jakoha my dasiahnuli ŭ minułym», — skazaŭ jon.
Alaksandr Łukašenka nazvaŭ šerah faktaraŭ, jakija ŭskładnili situacyju ŭ ekanomicy.U pryvatnaści, napiaredadni vyraŭnoŭvańnia mytaŭ na aŭtamabili ŭ Mytnym sajuzie hramadzianie Biełarusi ŭvieźli ŭ krainu bolš jak 250 tys. aŭtamabilaŭ, što amal u dva razy bolš, čym za minułyja hady. Adpaviedna, z krainy na hetyja mety było vyvieziena kala $3 młrd [kali vieryć Łukašenku, siaredni biełarus kuplaŭ sabie mašynu za 12 tysiač dalaraŭ. Hetaja ličba, zdajecca, vielmi dalokaja ad realnaści.]. Akramia taho, prykładna $2 młrd. u hetym hodzie daść pavyšeńnie cen na enierhanośbity i inšuju syravinu, jakaja pastaŭlajecca z Rasii. «Razam zvyš $5 młrd. tolki za adzin hod. I minułyja hady vy pamiatajecie pastajanny rost cen na enierhanośbity, a za apošniuju piacihodku jany pavialičylisia ŭ čatyry z pałavinaj razy dla našaj krainy. Viadoma, taki ŭdar nie vytrymała b navat stałaja ekanamičnaja sistema. Tamu valuty nie chapiła, i zdaryłasia toje, što zdaryłasia», — rastłumačyŭ Alaksandr Łukašenka.
Razam z tym jon padkreśliŭ: «Panikavać i kryčać ab mahčymaj katastrofie ŭ ekanomicy i tatalnym źbiadnieńni hramadzian, jak heta robiać našy apanienty, niama pryčyn. Ja ŭ hetym poŭnaściu ŭpeŭnieny. Kraina pradaŭžaje žyć i raźvivacca».
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ2
Kamientary