Dyrektar muzieja «Dudutki»: Škoda ad pažaru jość, ale nie taki vialikaja, jak pra toje pišuć
17 vieraśnia ŭ muziei adbyŭsia fiestyval «Rok-młyn».
Uron ad pažaru, viadoma, jość, ale jon nie nastolki vialiki, jak pra jaho pišuć u srodkach masavaj infarmacyi i ŭ internecie, paviedamiŭ karespandentu BiełaPAN dyrektar Muzieja staradaŭnich narodnych ramiostvaŭ i technałohij «Dudutki» Siarhiej Dziukaraŭ.
«Vy ž bačycie, usie zapłanavanyja mierapryjemstvy prachodziać u poŭnym abjomie: kancert nie admianiŭsia, ekskursii jak išli, tak i iduć», — adznačyŭ jon.
17 vieraśnia ŭ muziei adbyŭsia fiestyval «Rok-młyn». Usie hrašovyja srodki, sabranyja padčas fiestyvalu, vyrašana pieradać na adnaŭleńnie častki muzieja, paciarpiełaj ad pažaru 10 vieraśnia. Choć pieršapačatkova rok-śviata płanavali pryśviacić staromu młynu, što znachodzicca na terytoryi muzieja. «Jamu bolš za sto hadoŭ, i anałahaŭ u Biełarusi sapraŭdy niama», — udakładniaje Dziukaraŭ.
Sioleta stary młyn udałosia adrestaŭravać, i ciapier naviedvalniki mohuć razhledzieć usie jaho miechanizmy.
U fiestyvali «Rok-młyn» uziali ŭdzieł hurty IQ48, «Viektar Eha», Seven seals, «Biez paniki», «Astenija», «Mutnaje voka» i LiteSound.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary