Дырэктар музея «Дудуткі»: Шкода ад пажару ёсць, але не такі вялікая, як пра тое пішуць
17 верасня ў музеі адбыўся фестываль «Рок-млын».
Урон ад пажару, вядома, ёсць, але ён не настолькі вялікі, як пра яго пішуць у сродках масавай інфармацыі і ў інтэрнэце, паведаміў карэспандэнту БелаПАН дырэктар Музея старадаўніх народных рамёстваў і тэхналогій «Дудуткі» Сяргей Дзюкараў.
«Вы ж бачыце, усе запланаваныя мерапрыемствы праходзяць у поўным аб’ёме: канцэрт не адмяніўся, экскурсіі як ішлі, так і ідуць», — адзначыў ён.
17 верасня ў музеі адбыўся фестываль «Рок-млын». Усе грашовыя сродкі, сабраныя падчас фестывалю, вырашана перадаць на аднаўленне часткі музея, пацярпелай ад пажару 10 верасня. Хоць першапачаткова рок-свята планавалі прысвяціць старому млыну, што знаходзіцца на тэрыторыі музея. «Яму больш за сто гадоў, і аналагаў у Беларусі сапраўды няма», — удакладняе Дзюкараў.
Сёлета стары млын удалося адрэстаўраваць, і цяпер наведвальнікі могуць разгледзець усе яго механізмы.
У фестывалі «Рок-млын» узялі ўдзел гурты IQ48, «Вектар Эга», Seven seals, «Без панікі», «Астэнія», «Мутнае вока» і LiteSound.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ16
Каментары