Ahulny schod členaŭ Minskaj haradskoj kalehii advakataŭ (MHKA), zapłanavany na 24 vieraśnia, nie adbyŭsia.
Jak paviedamiŭ staršynia MHKA Alaksandr Pylčanka, heta adbyłosia
Novaja data mierapryjemstva pakul nie vyznačana,adznačyŭ Pylčanka.
Havaryć pra toje, jakija temy vynosiacca na abmierkavańnie ahulnaha schodu, jon admoviŭsia, padkreśliŭšy, što «heta ŭnutranyja pytańni», i ŭsia nieabchodnaja infarmacyja raźmieščana na sajcie kalehii.
Paviedamleńnie na sajcie kalehii apaviaščaje: «Prezidyum Minskaj haradskoj kalehii advakataŭ pryniaŭ rašeńnie ab sklikańni Ahulnaha schodu členaŭ Minskaj haradskoj kalehii advakataŭ, jaki adbudziecca 24 vieraśnia 2011 hoda. Kab paźbiehnuć luboha rodu faktaŭ raspaŭsiudžvańnia niedakładnaj infarmacyi, my źviartajem uvahu ŭsich srodkaŭ masavaj infarmacyi, što aficyjnaj krynicaj infarmacyi ab dziejnaści MHKA i jaje členaŭ źjaŭlajecca
Tym časam, pavodle infarmacyi pravaabarončaha sajta spring96.org,
na ahulnym schodzie členaŭ kalehii budzie abmiarkoŭvacca pastanova Ministerstva justycyi ab daterminovym adklikańni staršyni MHKA Alaksandra Pylčanki.Płanujecca taksama abmierkavać zajavu Pylčanki ab spynieńni svaich paŭnamoctvaŭ na pasadzie staršyni MHKA, jakaja nibyta była napisanaja paśla vyniasieńnia pastanovy Miniusta.
Pravaabaroncy nahadvajuć, što heta ŭžo nie pieršaja sproba nacisku čynoŭnikaŭ na kiraŭnika advakackaj kalehii: u lutym na padstavie zahada ministra justycyi Hałavanava Pylčanka byŭ vyklučany sa składu kvalifikacyjnaj kamisii pa pytańniach advakackaj dziejnaści. Mienavita heta kamisija prymała rašeńnie ab pazbaŭleńni licenzij na prava zajmacca advakackaj dziejnaściu advakataŭ, jakija abaraniali fihurantaŭ kryminalnaj spravy ab masavych biesparadkach 19 śniežnia 2010 hoda.
Sa składu kvalifikacyjnaj kamisii Pylčanka byŭ vyviedzieny ŭ toj ža dzień, kali ŭ intervju BiełaPAN jon zajaviŭ: kiraŭnictva MHKA ličyć, što ŭ Biełarusi skłałasia krytyčnaja situacyja, jakaja realna pahražaje niezaležnaści advakatury.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku71
Kamientary