Takoje rašeńnie było pryniata 28 vieraśnia na pasiadžeńni kalehii Ministerstva kultury.
Vybirajučy kulturnuju stalicu Biełarusi 2012 hoda, členy kalehii stavili metu prastymulavać horad da stvareńnia maksimalna raźvitoj kulturnaj i turystyčnaj infrastruktury, jakaja na praciahu nastupnych dziesiacihodździaŭ budzie pracavać na karyść horada i krainy, zajaviŭ ministr kultury Biełarusi Pavieł Łatuška.
«Akcyja «Kulturnaja stalica Biełarusi» pavinna rabić dastupnymi dasiahnieńni nacyjanalnaj kultury dla žycharoŭ usich haradoŭ i rehijonaŭ krainy. Na praciahu hoda kulturnuju stalicu naviedvajuć prafiesijnyja tancavalnyja, muzyčnyja, chareahrafičnyja kalektyvy, aktyvizujecca dziejnaść rehijanalnych ustanoŭ kultury i miascovych uład, plus realny ekanamičny efiekt jak vynik ažyŭleńnia kulturnaha žyćcia. Naprykład, za 2010 hod prytok turystaŭ u Połack, jaki mieŭ na toj momant status kulturnaj stalicy, vyras na 20 pracentaŭ u paraŭnańni z 2009 hodam. U vyniku realizacyi nastupnych prajektaŭ uvaha turystaŭ da kulturnych stalic budzie tolki ŭzrastać, ličyć ministr.
U toj ža čas jon asabliva padkreśliŭ, što hałoŭnaja meta akcyi — ukłaści ŭ sercy i dušy ludziej patrebnaść u kulturnaj samaadukacyi. Razmova idzie nie stolki ab raźvićci infrastruktury, kolki ab ludskich dušach, skazaŭ Pavieł Łatuška.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina17
Kamientary