Такое рашэнне было прынята 28 верасня на пасяджэнні калегіі Міністэрства культуры.
Выбіраючы культурную сталіцу Беларусі 2012 года, члены калегіі ставілі мэту прастымуляваць горад да стварэння максімальна развітой культурнай і турыстычнай інфраструктуры, якая на працягу наступных дзесяцігоддзяў будзе працаваць на карысць горада і краіны, заявіў міністр культуры Беларусі Павел Латушка.
«Акцыя «Культурная сталіца Беларусі» павінна рабіць даступнымі дасягненні нацыянальнай культуры для жыхароў усіх гарадоў і рэгіёнаў краіны. На працягу года культурную сталіцу наведваюць прафесійныя танцавальныя, музычныя, харэаграфічныя калектывы, актывізуецца дзейнасць рэгіянальных устаноў культуры і мясцовых улад, плюс рэальны эканамічны эфект як вынік ажыўлення культурнага жыцця. Напрыклад, за 2010 год прыток турыстаў у Полацк, які меў на той момант статус культурнай сталіцы, вырас на 20 працэнтаў у параўнанні з 2009 годам. У выніку рэалізацыі наступных праектаў увага турыстаў да культурных сталіц будзе толькі ўзрастаць, лічыць міністр.
У той жа час ён асабліва падкрэсліў, што галоўная мэта акцыі — укласці ў сэрцы і душы людзей патрэбнасць у культурнай самаадукацыі. Размова ідзе не столькі аб развіцці інфраструктуры, колькі аб людскіх душах, сказаў Павел Латушка.
Каментары