U Biełarusi ŭsio mienš ułasnych padsobnych haspadarak

paviedamiŭ namieśnik načalnika ŭpraŭleńnia ŭdaskanaleńnia ekanamičnaha miechanizmu haspadarańnia, načalnik adździeła ŭkaranieńnia novych form haspadarańnia hałoŭnaha ŭpraŭleńnia ekanomiki Ministerstva sielskaj haspadarki i charčavańnia Uładzimir Krasoŭski 30 vieraśnia na pasiadžeńni kruhłaha stała ŭ Minsku.

Pavodle jaho słoŭ, tolki za minuły hod u paraŭnańni z 2009 hodam kolkaść asabistych padsobnych haspadarak pamienšyłasia z 1 młn. 92 tys. da 1 młn. 70 tys. Płošča sielskahaspadarčych uhodździaŭ skaraciłasia z 968 da 924 tys. ha, udzielnaja ich vaha ad ahulnaha abjomu ziemlekarystańnia źniziłasia z 11,1% da 10,6%. Štohod na 10–15% skaračajecca pahałoŭje žyvioły ŭ asabistych padsobnych uhodździach. Za apošnija 15 hadoŭ lik karoŭ pamienšyŭsia bolš čym u čatyry razy — z 742 tys. u 1995 hodzie da 168,5 tys. u 2010-m.

U liku pryčyn pamianšeńnia kolkaści asabistych padsobnych haspadarak Krasoŭski adznačyŭ skaračeńnie sielskaha nasielnictva. Za apošnija 15–20 hadoŭ lik pracazdolnych hramadzian, zaniatych u ahrarnym siektary, pamienšyŭsia bolš čym utraja — z 1 młn. 50 tys. da krychu bolš čym 330 tys. čałaviek. Adtok ludziej ź sielskaj miascovaści jon rastłumačyŭ bolš pryvabnymi ŭmovami pracy ŭ inšych śfierach, a taksama raźvićciom novych technałohij.

Jak ličyć pradstaŭnik Minsielhascharča, admova ad utrymańnia asabistych padsobnych haspadarak taksama źviazanaja z palapšeńniem śfiery absłuhoŭvańnia i pavyšeńniem uzroŭniu žyćcia sielskaha nasielnictva. Pavodle jaho mierkavańnia, pamier piensij (u sielskaj miascovaści hałoŭnym čynam pražyvajuć piensijaniery) dazvalaje kupić nieabchodnuju pradukcyju ŭ mahazinach.

Pavodle słoŭ Krasoŭskaha, nie vykazvajuć zacikaŭlenaści da viadzieńnia asabistych padsobnych haspadarak taksama maładyja ludzi, jakich nie zadavalniaje pracajomkaść sielskaj pracy.

Akramia taho, u peŭnaj stupieni spryjaje skaračeńniu asabistych padvorkaŭ realizacyja prahramy adradžeńnia i raźvićcia vioski: u ahraharadkach nie praduhledžana ŭźviadzieńnie pabudoŭ dla ŭtrymańnia žyvioły. Narešcie, skaračeńnie liku asabistych padvorkaŭ pradstaŭnik Minsielhascharča rastłumačyŭ niedastatkovaj pracaj miascovych vykanaŭčych i rasparadčych orhanaŭ na miescach.

Jak adznačyŭ Krasoŭski, asabistyja padsobnyja haspadarki ihrajuć značnuju rolu ŭ charčovaj biaśpiecy. Jany vyrablajuć tracinu sielskahaspadarčaj pradukcyi. Razam z tym, pavodle jaho mierkavańnia, asabistyja haspadarki nie mohuć isnavać biez uzajemadziejańnia z hramadskim siektaram.

• 0
• 0
• 0
• 0
• 0
• 0
• 0
• 0