Nielha vyklučać i suśvietnuju recesiju.
Z novym piesimistyčnym prahnozam adnosna tempaŭ rostu ekanomiki jeŭrazony 5 kastryčnika vystupiŭ Mižnarodny valutny fond. Čakajecca źnižeńnie tempaŭ ad 2,4% u 2010 hodzie da 2,3% u 2011 hodzie i 1,8% u 2012 hodzie. Zapavoleńnia nie ŭdasca paźbiehnuć navat samym stabilnym krainam Jeŭropy, uklučna ź Niamieččynaj i Šviecyjaj, a ŭ Partuhalii i Hrecyi budzie naziracca recesija da pačatku 2013 hoda. Miarkujecca, što VUP Partuhalii skarocicca na 1,8% u nastupnym hodzie, VUP Hrecyi — na 2%.
Dyrektar Jeŭrapiejskaha ŭpraŭleńnia MVF Antonia Borchies šakavaŭ inviestaraŭ zajavaj ab tym, što «nielha całkam vyklučyć suśvietnuju recesiju ŭ 2012 hodzie». U śviecie zachoŭvajucca ryzyki spadu ekanamičnaj aktyŭnaści, dadaŭ jon.
Ministr ekanamičnaha raźvićcia Hrecyi Michalis Chrysachaidzis pryznaŭ, što «hreckaja ekanomika pamiraje». Hrecyja nie ŭ stanie palepšyć makraekanamičnyja pakazčyki i, u pieršuju čarhu, skaracić vydatki biudžetu.
Treci tranš finansavaj padtrymki Hrecyi z boku Jeŭrapiejskaha centrabanka ŭ pamiery 8 młrd jeŭra adkładajecca na niavyznačany termin.
Kamientary