Z kim vy, dziejačy kultury: zorki admaŭlajucca ad hrošaj Kadyrava

Niekalki dzion tamu

z zaklikam da zorak admovicca ad hrošaj i padarunkaŭ Kadyrava źviarnułasia mižnarodnaja pravaabarončaja arhanizacyja Human Rights Watch

Suonk vykazvaje «hłybokaje škadavańnie» z nahody «pajezdki, jakaja kinuła cień na maju pravaabarončuju dziejnaść», na nastupny dzień paśla taho, jak da halivudskich znakamitaściaŭ źviarnulisia pravaabaroncy.

5 kastryčnika — u dzień naradžeńnia kiraŭnika Čačenskaj respubliki Ramzana Kadyrava — u Hroznym adśviatkavali Dzień horada.

Na ŭračystych mierapryjemstvach z nahody padvojnaha śviata akramia Suonk prysutničali brytanskaja

skrypačka Vanesa Mej, akcior Žan-Kłod Van Dam i anhlijski śpiavak Sił.

Na śviata pryjechali i znakamitaści z Rasii i krain SND —

Safija Rataru, Rusłana, Fiodar Bandarčuk, akcior i televiadučy Ihar Viernik, akcior Siarhiej Biazrukaŭ.

Znakamitaści adznačali pośpiechi čačenskich uładaŭ u spravie adnaŭleńnia Hroznaha paśla vajny.

Zorka halivudskich bajavikoŭ

Žan-Kłod Van Dam pryznaŭsia ŭ lubovi da Ramzana Kadyrava

Chiłary Suonk na śviacie pavinšavała Kadyrava z dniom naradžeńnia i zaŭvažyła, što ludzi «apranajucca ŭ Čačni lepš, čym u Ńju-Jorku». Na pytańnie, adkul jana daviedałasia pra dzień naradžeńnia Kadyrava — bo znakamitaściaŭ aficyjna zaprašali na śviatkavańnie Dnia horada — aktorka žartaŭliva skazała: «ja vyvučaju pytańnie, u mianie svaje dadzienyja».

Aktorka padziakavała za zaprašeńnie i skazała, što lubić padarožničać i, mahčyma, adnojčy zładzić premjeru svajho novaha filma ŭ Čačni.

Pravaabaroncy adreahavali zaklikam admovicca ad uznaharody za ŭdzieł va ŭračystaściach, matyvujučy heta tym, što

kali «zorki atrymlivajuć hrošy za ŭdzieł u viečarynie Kadyrava, heta spachablivaje pakuty nieźličonych achviar parušeńniaŭ pravoŭ čałavieka».

U svajoj zajavie, zroblenym paśla zvarotu Human Rights Watch, Suonk kaža, što da pajezdki ničoha nie viedała ab reputacyi Kadyrava, a 

pavinšavać jaho z dniom naradžeńnia jaje paprasili arhanizatary mierapryjemstva.

«Ja b nikoli naŭmysna nie zrabiła ničoha takoha, što pastaviła b pad sumnieŭ maju pravaabarončuju dziejnaść. Ja budu praciahvać achviaravać svoj čas i finansavyja resursy na dabračynnuju i pravaabarončuju dziejnaść», — skazała dvuchrazovaja uładalnica premii «Oskar».

U zajavie Human Rights Watch havorycca, što za piać dzion da dnia naradžeńnia Kadyrava jany sprabavali ŭ adkrytym liście da znakamitaściaŭ adhavaryć tych ad pajezdki ŭ Hrozny, ale biespaśpiachova.

U liście HRW, u pryvatnaści, havaryłasia, što

ŭdzieł zorak suśvietnaha ŭzroŭniu ŭ viečarynie Kadyrava «budzie ŭspryniata jak rekłama jaho aŭtarytarnaha kiravańnia».

35-hadovy Kadyraŭ uznačalvaje čačenskuju respubliku ad 2007 hoda. Pravaabaroncy rehularna krytykujuć čačenskija ŭłady za isłamizacyju Čačni i adsutnaść svabod.

U dzień svajho naradžeńnia, adkazvajučy na pytańnie, adkul u jaho hrošy na maštabnyja ŭračystaści, Kadyraŭ skazaŭ, što ich jamu daje Ałach.

• 0
• 0
• 0
• 0
• 0
• 0
• 0
• 0