U Miensku — dni habrejskaj knihi i fatahrafii
Budzie prezentavanaja i kniha Ethara Kiereta ŭ pierakładach na biełaruskuju našaniŭca Paŭła Kaściukieviča klasyčnym pravapisam.
Vystaŭka «Dni jaŭrejskaj knihi» i ekspazicyja rabot viadomych izrailskich fatohrafaŭ, jakija projduć z 30 studzienia pa 4 lutaha ŭ Nacyjanalnaj biblijatecy Biełarusi, dapamohuć biełarusam bolš daviedacca ab Izraili. Hetyja mierapryjemstvy buduć impulsam dla aktyvizacyi dvuchbakovych kantaktaŭ. Takuju dumku ŭ hutarcy z karespandentam BIEŁTA vykazaŭ Nadzvyčajny i Paŭnamocny Pasoł Dziaržavy Izrail u Biełarusi Ziejeŭ bien Arje.
Jak čakajecca, u knižnaj vystaŭcy prymuć udzieł bolš za 20 izrailskich vydaviectvaŭ. Siarod ich bujniejšyja vydaviectvy, jakija vypuskajuć knihi na iŭrycie i na ruskaj movie («Am Ovied», «Jediot Achronot», «Šokien»), a taksama vydaviectvy, što śpiecyjalizujucca na vydańni knih na ruskaj movie («Hiešarim», «Alija»), vydaviectvy relihijnaj litaratury («Šamir» i «Institut Štajnzalca»). Svaje knihi pradstaviać rasijskija vydaviectvy («AST», «Eksmo», «Dom jevriejskoj knihi», «Mosty kultury», «Tiekst», «Fieniks») i biełaruskaje vydaviectva «MIET».
Paralelna z vystaŭkaj knih projdzie ekspazicyja «Pieravodnyja karcinki», dzie budzie pradstaŭlena tvorčaść viadomych izrailskich fotamastakoŭ Julii Kamisaraf i Davyda Dektara. Ich raboty znajomiać z kalejdaskopam izrailskaha žyćcia - heta sieryja vobrazaŭ, vychaplenych z realnaści. Pry niesumniennaj tvorčaj stałaści i aŭtanomnaści hetyja dva majstry cudoŭna dapaŭniajuć adzin adnaho.
Davyd Dektar naradziŭsia ŭ 1961 h. u Maskvie, z 1975 hoda žyvie ŭ Izraili. Skončyŭ adździaleńnie ŭschodaznaŭstva Ijerusalimskaha univiersiteta. Drukavaŭsia ŭ šmatlikich vydańniach. Jaho fotaraboty znachodziacca ŭ roznych muziejach, u pryvatnaści, u Vašynhtonie, u Nacyjanalnym muziei nacyjanalnaj historyi. Julija Kamisaraf naradziłasia ŭ 1977 hodzie ŭ Ryzie, u 1991 vyjechała ŭ Izrail. Fatahrafijaj zajmajecca ŭžo 10 hadoŭ. Udzielničała ŭ mnohich vystaŭkach.
U ramkach dzion 31 studzienia i 1 lutaha budzie prezentavanaja kniha Ethara Kiereta ŭ pierakładach na biełaruskuju našaniŭca Paŭła Kaściukieviča klasyčnym pravapisam. Imprezy projduć u Nacyjanalnaj biblijatecy i Habrejskim kulturnym centry.
Na fota: pasoł Izrailu ŭ Biełarusi Ziejeŭ bien Arje.
Kamientary