Abvinavačvany ŭ saŭdziele ŭ teraryźmie razam sa svaim abaroncam zrabili čarhovuju niaŭdałuju sprobu dabicca ad Viarchoŭnaha suda źmiakčeńnia miery strymańnia.
Abvinavačvany ŭ saŭdziele ŭ teraryźmie Uładzisłaŭ Kavaloŭ razam sa svaim abaroncam Stanisłavam Abraziejem zrabili čarhovuju niaŭdałuju sprobu dabicca ad Viarchoŭnaha suda źmiakčeńnia miery strymańnia.
25 kastryčnika, začytvajučy svajo chadajnictva ab źmiakčeńni miery strymańnia z utrymańnia pad vartaj na padpisku ab niavyjeździe Kavaloŭ zajaviŭ, što ličyć Dźmitryja Kanavałava nievinavatym u teraryźmie, a jaho pryznańni nazvaŭ «vynikam cisku z boku śledstva». Kažučy pra siabie, Kavaloŭ skazaŭ, što pryčyn uciakać ad suda ŭ jaho niama. «Upeŭnieny ŭ svajoj nievinavataści i maju namier dakazać heta ŭ sudzie», — zajaviŭ abvinavačvany ŭ saŭdziele ŭ teraryźmie.
Tradycyjna suprać zadavalnieńnia chadajnictva vykazałasia dziaržabvinavačańnie. Za — Dźmitryj Kanavałaŭ, jaho abaronca Dźmitryj Leprator i abaronca Kavalova Abraziej. «U materyjałach spravy adsutničajuć dokazy, jakija paćviardžali b jaho [Kavalova] vinu», — u čarhovy raz paŭtaryŭ Abraziej.
Taksama ŭ čarhovy raz, admaŭlajučy ŭ źmiakčeńni miery strymańnia Kavalovu, sudździa Alaksandr Fiedarcoŭ matyvavaŭ rašeńnie Viarchoŭnaha suda tym, što Kavaloŭ abvinavačvajecca va ŭčynieńni asabliva ciažkaha złačynstva.
Kamientary