U Minsku i rehijonach adbyvajucca Narodnyja schody. Zatrymany Ivaškievič

14.22 Jak paviedamiła radyjo «Svaboda», na prypynku hramadzkaha transpartu la płoščy Banhałor zatrymali žančynu. Ludzi ŭ cyvilnym pasadzili jaje ŭ sini mikraaŭtobus biez numaroŭ.

14.15

Stała viadoma ab zatrymańni ŭ Minsku čatyroch aktyvistaŭ nacyjanał-balšavickaha ruchu — Jaŭhiena Kontuša, Ułada Łobava (brata palitviaźnia maładafrontaŭca Eduarda Łobava), Valeryja Kabiernika i Paŭła Huščy.

Akramia taho, jak paviedamlaje radyjo «Svaboda», supracoŭniki ŭ cyvilnym zatrymali na prypynku hramadskaha transpartu žančynu, jakuju pasadzili ŭ mikraaŭtobus biez numaroŭ.

14.00 Akcyja ŭ minskim parku Družby narodaŭ zavieršanaja, ludzi razyšlisia, supracoŭniki milicyi — taksama.

13.50 Hienadź Fiadynič paviedamiŭ BiełaPAN, što pry vychadzie z płoščy Banhałor za im jakoje-to čas išli dvoje nieviadomych u cyvilnym, jakija zatym źnikli. Zaraz Fiadynič maje namier jechać u RUUS, dzie znachodzicca zatrymany Viktar Ivaškievič. Fiadynič taksama abvierh infarmacyju ab zatrymańni Vincuka Viačorki. U parku Družby narodaŭ pa-raniejšamu znachodziacca niekalki dziasiatkaŭ udzielnikaŭ schodu. Jany praciahvajuć čytać usłych i abmiarkoŭvać «Narodnuju volu». Supracoŭnikaŭ milicyi stała značna mienš.

13.45 U staličnym parku Družby narodaŭ adna z udzielnic akcyi čytaje ŭsłych niedziaržaŭnuju hazietu «Narodnaja vola». Vakoł jaje sabrałasia kala dvaccaci čałaviek.

13.32 U Homieli zatrymanyja hramadzkija aktyvisty Vasil Takarenka, Illa Mironaŭ, Valer Ślapuchin, Źmicier Karaškoŭ, Mikałaj Biańko, Andrej Cianiuta, Jury Zacharanka, Viktar Adzinočanka. Pra heta «Svabodzie paviedamiŭ homielski pravaabaronca, juryst Leanid Sudalenka.

13.25 Kala 40 čałaviek stajać na placoŭcy. Jany abmiarkoŭvajuć sytuacyju, spračajucca. Taksama havorać pra ciažkaje ekanamičnaje stanovišča, aburajucca vysokimi cenami, asabliva na pradukty.

13.20 Pres-sakratar HUUS Minharvykankama Alaksandr Łastoŭski papiaredziŭ tych, chto sabraŭsia ŭ parku Družby narodaŭ ab niezakonnaści schodu i prapanavaŭ im razyścisia. U parku zastajecca kala troch dziasiatkaŭ čałaviek, paviedamlaje BiełaPAN.

13.17 Śpiecnaz i ludzi ŭ cyvilnym praciahvajuć błakavać padychody da placoŭki na płoščy Banhałor, arhumientujučy heta tym, što tam adbyvajecca «VIP-mierapryjemstva», a jany zabiaśpiečvajuć achovu.

13.10 Zatrymany Vincuk Viačorka. Dvoje ŭ cyvilnym padbiehli da Viačorki ŭ toj čas, kali jon davaŭ intervju.13.07 Adzin čałaviek zatrymany kala restaracyi «El Pamidora» niepadalok ad płoščy Banhałor. Jaho siłkom zaciahnuli ŭ sini mikraaŭtrobus.

13.05 Na płošču Banhałor pryjšli Vincuk Viačorka, Vacłaŭ Areška. Tych, chto daje intervju, ludzi ŭ cyvilnym zdymajuć na videa.

13.00

Zatrymali Viktara Ivaškieviča. Jon znachodzicca ŭ Centralnym RUUSie.

12.55 Na płoščy znachodziacca asobnyja kupki ludziej. Hienadź Fiadynič skazaŭ, što,

pakolki na płoščy Banhałor šmat pradstaŭnikoŭ śpiecsłužbaŭ, niama sensu padstaŭlać ludziej. Mabyć, akcyju daviadziecca pravodzić u inšym miescy i ŭ inšy čas.

12.45

Śpiecnazaŭcy spyniajuć ludziej, jakija iduć u centry płoščy, i kažuć im, što schod admienieny.

12.40 Placoŭka ŭ parku aharodžanaja metalovymi turnikietami. tut užo znachodziacca dziasiatki śpiecnazaŭcaŭ i ludziej u cyvilnym. Milicejskija aŭtobusy i aŭtamabili biez numarnych znakaŭ stajać u roznych miescach parku imia Družby narodaŭ. Ludzi ŭ cyvilnym cikaviacca ŭ minakoŭ nakont mety vizitu ŭ park Družby narodaŭ.

Kali karespandent radyjo «Svaboda» išoŭ na płošču, śpiecnazaŭcy spytalisia: «Vy idziacie na jaramarku? Jarmarki siońnia nie budzie».

11.10 U Homieli supracoŭniki DAI zatrymali la domu na pryvatnym mikraaŭtobusie pradprymalnika Valeryja Rapnina. Aŭtainśpiektar kapitan Kanaplicki zahadaŭ Valeru jechać u Saviecki rajadździeł milicyi na toj padstavie, što padobny mikraaŭtobus nibyta znachodzicca va ŭhonie. 8 kastryčnika, kali ŭ horadzie ładziŭsia pieršy Narodny schod, spadar Rapnin razvoziŭ zaprašeńni. Jaho zatrymlivała milicyja.

* * *

Ideja praviadzieńnia ahulnarespublikanskaha Narodnaha schodu była apublikavanaja ŭ mai hetaha hoda. Meta akcyi — abmierkavańnie aktualnych ekanamičnych i sacyjalna-palityčnych prablem krainy.

Arhkamitet Narodnaha schodu nie ličyć nieabchodnym padavać zajaŭki na jaho praviadzieńnie, arhumientujučy heta tym, što dadzieny farmat akcyi padpadaje pad dziejańnie zakona ab respublikanskich i miascovych schodach. Pavodle dadzienaha zakonu inicyjataram praviadzieńnia schodu pavinna być hrupa hramadzian, jakim nieabchodna sabrać u svaju padtrymku podpisy nie mienš za 10% hramadzian, jakija pražyvajuć u dadzienym horadzie, mikrarajonie, na vulicy, u dvary ci domie. Pry hetym arhanizatary nie abaviazany zdavać podpisy ŭ jakija-niebudź kantralujučyja orhany dla ich rehistracyi abo pravierki.

Ułady z takoj traktoŭkaj zakanadaŭstva nie zhodnyja. Napiaredadni akcyi 8 kastryčnika i 12 listapada inicyjataram schodaŭ — Viktaru Ivaškieviču i Hienadź Fiadynič — Hienieralnaja prakuratura vyniesła papiaredžańnie ab niedapuščalnaści praviadzieńnia niesankcyjanavanych mierapryjemstvaŭ.

Napiaredadni siońniašniaj akcyi ŭ šerahu haradoŭ prajšli previentyŭnyja zatrymańni i administracyjnyja aryšty arhanizataraŭ pieršy schod. Takim čynam ułady sprabavali nie dapuścić praviadzieńnia paŭtornych akcyj.

• 0
• 0
• 0
• 0
• 0
• 0
• 0
• 0