UUS Minabłvykankama: masavaha zatrymańnia ŭ Krupkach nie było
Milicyjanty nazyvajuć takuju infamacyju «nachabnaj chłuśnioj». Ale fakt śpiecyjalnaha kompleksnaha mierapryjemstva «Pravaparadak» pryznajuć.
21 listapada ŭ internecie źjaviłasia infarmacyja pra masavaje zatyrmańnie moładzi ŭ kancy minułaha tydnia ŭ Krupkach. Pa słovach miascovych žycharoŭ, śpiecnazaŭcy ŭryvalisia na dyskateki i zabirali z saboj amal usich prysutnych. Pry hetym źbivali ich dubinkami i nahami.
Načalnik Krupskaha RAUSa Michaił Sacuk admoviŭsia kamientavać situacyju. Paraiŭ źviartacca da abłasnoha načalstva. UUS Minskaj vobłaści siońnia ranicaj raspaŭsiudziła aficyjnuju zajavu.
Zhodna ź joj, u apošnija miesiacy na terytoryi Krupskaha rajona było zarehistravana pavieličeńnie kolkaści złačynstvaŭ (chulihanstvaŭ i ciažkich cialesnych paškodžańniaŭ), ździejśnienych u hramadskich miescach.
«Z metaj stabilizacyi kryminahiennaj abstanoŭki kiraŭnictvam UUS Minabłyvykankama było pryniataje rašeńnie ab praviadzieńni ŭ pieryjad z 9.00 18 listapada da 9.00 21 listapada na terytoryi Krupskaha rajona śpiecyjalnaha kompleksnaha mierapryjemstva «Pravaparadak».
Pres-słužba patłumačyła, što padčas takich mierapryjemstvaŭ milicyjanty praviarajuć raniej sudzimych asobaŭ i siamiejnych skandalistaŭ, uzmacniajuć patrulavańnie vulic i ažyćciaŭlajuć nahlad za miescami masavaha adpačynku moładzi. A
dla dapamohi Krupskamu RAUSu kamandziravali adzinaccać supracoŭnikaŭ Pałka milicyi śpiecyjalnaha naznačeńnia UUS Minabłvykankama.
Zhodna z paviedamleńniem milicyi, 18 listapada kala 23.30 kasirka kaviarni «Bistro» źviarnułasia da milicyjantaŭ sa skarhaj. Maŭlaŭ, niećviarozy chłapiec z butelkaj piva sprabavaŭ prajści na dyskateku i pahražaŭ žančynie, jakaja jaho nie puskała.Milicyjanty prapanavali maładomu čałavieku prajści na vulicu, na što jon adreahavaŭ pahrozami na ich adras. Debašyra advieźli ŭ RAUS, dzie skłali na jaho pratakoł.
Paśla hetaha ŭ kaviarniu zajšli ŭčastkovy i dvoje śpiecnazaŭcaŭ. I
akurat u hety čas adzin z mužčynaŭ vyrašyŭ pačać bojku ź inšymi naviedvalnikami. Milicyjanty i jamu prapanavali prajści ź imi, na što sustreli supraciŭ.
U vyniku ŭčastkovy atrymaŭ udar nahoj u tvar.
Na napadnika nadzieli kajdanki.
«Varta adznačyć, što za ŭsie try dni praviadzieńnia śpiecmierapryjemstvaŭ heta byŭ adzin fakt vykarystańnia jakich-niebudź śpiecsrodkaŭ. Frazy pra toje, što «minskija śpiecnazaŭcy» «pačali chapać praktyčna ŭsich, chto trapiŭsia pad ruku, źbivać dubinkami i nahami, hruzić u mašyny i advozić u adździaleńnie» nie adpaviadajuć rečaisnaści, a dakładniej — heta nachabnaja chłuśnia».
Za try dni pravieryli dzieviatnaccać dyskatek. Za drobnaje chulihanstva byli aštrafavany 13 čałaviek, za znachodžańnie ŭ niećviarozym stanie ŭ hramadskich miescach — 27 čałaviek, adzin čałaviek zatrymany za zachoŭvańnie narkotykaŭ (kaviarnia «Bistro»).
Zhodna z raspaŭsiudžanaj zajavaj, nichto z zatrymanych nie abskardžvaŭ dziejańni milicyi.
Kamientary