Akonny majstar u Minsku zabiŭ pažyłuju žančynu ŭ jaje ŭłasnaj kvatery
Pra zdareńnie karespandentu BiełTA paviedamiŭ staršy pamočnik prakurora Minska pa pravavym zabieśpiačeńni, infarmacyi i hramadskich suviaziach Siarhiej Bałašoŭ.
Trup žančyny 1949 hoda naradžeńnia z nažavymi ranieńniami ŭ jejnaj ułasnaj kvatery pa vulicy Fiłatava znajšła 4 śniežnia siastra zabitaj. Pavodle jaje słoŭ, jana zachvalavałasia, kali nie zmahła datelefanavacca da svajački i vyrašyła jaje adviedać.
Prakuratura stalicy raspačała kryminalnuju spravu pa č.1 art.139 KK Biełarusi (Zabojstva).
Pravaachoŭnikam udałosia vyśvietlić, što 3 śniežnia ŭ kvateru prychodziŭ mužčyna, minčanin 1981 hoda naradžeńnia. Na dopycie jon pakazaŭ, što ŭ krasaviku staviŭ u hetaj kvatery novy škłopakiet, a ŭ dzień zabojstva pa ŭłasnaj inicyjatyvie pryjšoŭ pravieryć, ci ŭsio z voknami ŭ paradku.
Tam u jaho z haspadyniaj kvatery adbyŭsia kanflikt na bytavoj hlebie: jana nibyta zrabiła zaŭvahu za toje, što jon nie źniaŭ čaraviki i «nataptaŭ».
Tady małady čałaviek uziaŭ nož i čatyry razy ŭdaryŭ žančynu.
Padazravany znachodzicca pad vartaj. U vypadku, kali jaho vina budzie dakazana, jamu moža pahražać da 15 hadoŭ pazbaŭleńnia voli. Viadziecca śledstva. Jak adnu ź viersij śledčyja razhladajuć «ździajśnieńnie zabojstva z karyślivych metaŭ».
Kamientary