Аконны майстар у Мінску забіў пажылую жанчыну ў яе ўласнай кватэры
Пра здарэнне карэспандэнту БелТА паведаміў старшы памочнік пракурора Мінска па прававым забеспячэнні, інфармацыі і грамадскіх сувязях Сяргей Балашоў.
Труп жанчыны 1949 года нараджэння з нажавымі раненнямі ў ейнай уласнай кватэры па вуліцы Філатава знайшла 4 снежня сястра забітай. Паводле яе слоў, яна захвалявалася, калі не змагла датэлефанавацца да сваячкі і вырашыла яе адведаць.
Пракуратура сталіцы распачала крымінальную справу па ч.1 арт.139 КК Беларусі (Забойства).
Праваахоўнікам удалося высветліць, што 3 снежня ў кватэру прыходзіў мужчына, мінчанін 1981 года нараджэння. На допыце ён паказаў, што ў красавіку ставіў у гэтай кватэры новы шклопакет, а ў дзень забойства па ўласнай ініцыятыве прыйшоў праверыць, ці ўсё з вокнамі ў парадку.
Там у яго з гаспадыняй кватэры адбыўся канфлікт на бытавой глебе: яна нібыта зрабіла заўвагу за тое, што ён не зняў чаравікі і «натаптаў».
Тады малады чалавек узяў нож і чатыры разы ўдарыў жанчыну.
Падазраваны знаходзіцца пад вартай. У выпадку, калі яго віна будзе даказана, яму можа пагражаць да 15 гадоў пазбаўлення волі. Вядзецца следства. Як адну з версій следчыя разглядаюць «здзяйсненне забойства з карыслівых мэтаў».
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам4
Каментары