Na pres-kanfierencyi Łukašenki nazyvałasia ličba ŭ 4 miljony.
Siaredni zarobak na Minskim aŭtamabilnym zavodzie naprykancy hodu ŭ siarednim — 4 miljony», — dekłamuje napres-kanfierencyi Alaksandra Łukašenki hałoŭny redaktar haziety «Avtozavodiec» Juryj Dudzinaŭ.
Jeŭraradyjo vyrašyła pašukać taki zarobak na MAZie.
La prachadnoj MAZa ŭ hadzinu dnia nie vielmi ludna. Chto zdymaje hrošy ŭ bankamacie, niechta kirujecca na abied. U pracoŭnaha, jaki palić na hanku pytaju: «Jakija ciapier umovy pracy?» Toj spačatku pužajecca. Maŭlaŭ, adkažaš — a zaŭtra zvolniać. Ale paśla raskazvaje.
«Kolki zarobiš:2,5 — 3 miljony. Dla zavoda heta mała. Dobra, kab piaciorku davali.Košty skačuć, a zarobak — nie. Adno prybiaruć — inšaje padymuć», — adkazvaje Mikałaj — mužčyna hadoŭ
Za im baču zusim maładoha chłopca — hadoŭ 19. Andrej pracuje ŭ elektratakarnym cechu.
«Płaciać niedzie 2,5 miljony. Ja pracuju tut nie bolš za hod. Mnie chapaje», — kaža chłopiec.
Na pracu paśla abiedu viartajecca pracoŭny z kanviejeru. Na zavodzie jon źbiraje kabiny dla mašyn.
«My źbirajem kabiny asobna ad ram. Płaciać 2,5 i vyšej.Heta da času zaležyć, kolki pracuješ, tam nadbaŭki za staž».
Mužčyna pracuje na MAZie dva hady. Kaža, što za paŭhoda zarobak jamu padniali na 13%.
Kala jaho sustrakaju inžyniera pa achovie pracy. I jon taksama nie maje ahučanych 4 miljonaŭ.
«Ciapier hladziać, jakaja adukacyja, kolki adpracavaŭ na MAZie. Kryzis mocna ŭdaryŭ. Zarobak, ščyra, nie vialiki. 2,3 miljony. Heta ŭ zvyčajnaha inžyniera. Pracoŭnyja bolš atrymoŭvajuć».
Siarod 10 apytanych znachodziacca dva pracoŭnyja, jakija majuć 4 miljony za miesiac. Adzin ź ich pracuje ŭ cechu płatform. Kryzis, kaža, udaryŭ nie mocna.
«Ja b nie skazaŭ, što ŭdaryŭ. Usio zadavalniaje pakul. Kala 4 miljonaŭ vychodzić. Premii padnimali, razy ŭ dva», — raspaviadaje chłopiec.
Što ž treba, kab atrymać 4 miljony… Kab daviedacca pra heta źviartajusia ŭ hazietu ad MAZa «Avtozavodiec».
«Jość, i pracoŭnyja atrymoŭvajuć, jość, i majstry. Vahańni vialikija.
U kahości 1,5 miljony, u kahości i 6 miljonaŭ.Naprykład, liciejščyki, kavali, halvanika, termička. Tam u ludziej za škodnaść iduć dapłaty. U ich bolšyja adpačynki», — tłumačać u haziecie.
Pa darozie z MAZu sustrakaju žančynu, u jakoj na zavodzie pracuje syn. Raźmierkavali paśla vučelni. Jana skardzicca, što toj atrymlivaje tolki miljon: štrafujuć za spaźnieńni.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary