Miniust zarehistravaŭ novy jurydyčny adras Partyi BNF
Ministerstva justycyi Biełarusi zarehistravała źmieny ŭ statucie Partyi BNF, zhodna ź jakimi novy jurydyčny adras arhanizacyi raźmiaščajecca ŭ Minsku pa vulicy Čarnyšeŭskaha, 3–39,paviedamiŭ lidar partyi Alaksiej Janukievič.
Pavodle jaho słoŭ, dahavor arendy ofisa pa vulicy Čarnyšeŭskaha zaklučany terminam na try hady. «Jość usie pieradumovy, kab novy ofis adyhryvaŭ tuju ž rolu centra demakratyčnaj supolnaści, jakuju 17 hadoŭ vykonvała pamiaškańnie pa praśpiekcie Mašerava, 8. Zaprašajem naviedvać jak mierapryjemstvy Partyi BNF, tak i ŭsie inšyja kulturnyja i palityčnyja akcyi, jakija prachodziać u nas u ofisie», — skazaŭ jon.
Nahadajem, u 2011 hodzie Partyja BNF vymušana była syści z dvuch ofisaŭ u Minsku.
26 lipienia partyja była aficyjna vysielena sa svajho centralnaha ofisa pa praśpiekcie Mašerava, 8, jaki arandavała z 1992 hoda. Inicyjataram vysialeńnia stała ŽREA Savieckaha rajona Minska, jakoje rastłumačyła niežadańnie praciahvać arendu nieabchodnaściu dalejšaha vykarystańnia pamiaškańnia «dla ŭłasnych patreb».
Dahavor arendy ofisa pa adrasie Krapotkina, 93a, byŭ zaklučany na hod, da siaredziny lipienia 2012 hoda, adnak u vieraśni ŭładalnik paprasiŭ vyzvalić pamiaškańnie. Takoje rašeńnie jon arhumientavaŭ asabistymi pryčynami, u pryvatnaści namieram pradać pamiaškańnie. Partyja poŭnaściu vyzvaliła pamiaškańnie 1 listapada.
Kamientary