Z 1 lutaha Life:) budzie atrymlivać bolš hrošaj za mižsietkavyja zvanki
Ministerstva suviazi dapamahaje tureckamu apierataru dahnać lidaraŭ rynku - MTS i Velcom.
Z 1 lutaha 2012 hoda ŭ Biełarusi taryfy na pasłuhi pa propusku trafiku pamiž sietkami apierataraŭ suviazi buduć rehulavacca pa novych praviłach.
Uvojdzie ŭ siłu pastanova Minekanomiki ad 14 śniežnia 2011 hoda № 201 «Ab zaćviardžeńni Instrukcyi ab paradku vyznačeńnia i prymianieńnia taryfaŭ na pasłuhi pa propusku trafiku pamiž sietkami apierataraŭ sotavaj i ruchomaj elektrasuviazi».
Ciapier za zvanki ź sietki ŭ sietku apieratary biaruć košt, prapisany va ŭzajemnych damovach. Ciapier praviły źmianiajucca.
Čym mienšuju dolu na rynku maje apieratar, tym mienš jon budzie płacić, ale pry hetym jamu buduć płacić najbolš. Takoje praviła ŭvodzicca, kab dapamahčy kampanijam, jakija majuć małuju dolu na rynku, dahnać lidaraŭ.U Biełarusi najbolšy prybytak atrymaje turecki apieratar Life:)
«Pryniaćcie pastanovy Ministerstva ekanomiki budzie sadziejničać raźvićciu kankurentnaha asiarodździa na rynku pasłuh sotavaj ruchomaj elektrasuviazi, pry jakoj usie apieratary na rynku buduć mieć roŭnyja ŭmovy dla raźvićcia, stvorać umovy dla adzinaj sistemy ŭzajemaraźlikaŭ pamiž apieratarami», — zaznačajuć u Minsuviazi.
Pa stanie na 1 studzienia 2012 hoda ahulnaja kolkaść abanientaŭ sotavaj suviazi ŭ Biełarusi skłała 10,7 miljona. Pasłuhi sotavaj ruchomaj elektrasuviazi ŭ krainie akazvajuć čatyry apieratary — ZP «Viełkom», STAA «Mabilnyja TeleSistemy», ZAT «BieST» i SP TAA «BiełSieł».
Kamientary