Što z ULIS'am? Dzie ZET?

Udzielniki jarkich biełaruskich alternatyŭnych kamand 1990-ch i 2000-ch raskazali «Tuzinu Hitoŭ» pra los svaich prajektaŭ, jakija zusim źnikli z dalahladu ŭ apošnija hady.

Sajt hurtu ULIS Ulis.by piać hadoŭ jak nie abnaŭlajecca. Apošniaja navina datujecca letam 2007 hoda, u joj paviedamlajecca pra toje, što źjaviłasia anhlijskamoŭnaja viersija staronki. Sam hurt na čale sa Słavam Koraniem apošni albom «Lusterka» vydaŭ u 2003 hodzie i vystupiŭ užyvuju za hety čas ličanyja razy. Lidar kamandy raz-poraz zapeŭnivaŭ u intervju, što maje niamała materyjału dla novaha alboma, i čutki pra raspad hurtu nazyvaŭ łuchtoj. Apošnija vystupy kamandy datujucca 2009 hodam. Tady ULIS daŭ solny kancert u Połacku ŭ krasaviku dy ŭ žniŭni ŭziaŭ udzieł u feście Be Free, što pravodziŭsia ŭ Čarnihavie.

Na pytańnie, ci možna ličyć žyvym jahony hurt, muzyka adkazaŭ z humaram: «Nie dačakajeciesia!».

ULIS — Ustanu rankam (MR3)

ULIS — Na majoj vulicy, videa z kancerta ŭ Połacku, 25 krasavika 2009

Hurt zygimont VAZA sioleta budzie adznačać 25-hadovy jubilej,

Miž tym, Skrypa žyvy i zdarovy i muzyku kidać nie źbirajecca.

«U stanie 90% hatoŭnaści ažno čatyry albomy za pieryjad 2007–2011, — kaža Siarhiej. — Davodka idzie sa strašnym skrypam, prabačcie za kałambur. Usie — ludzi siamiejnyja ź dziećmi, a asnoŭny čas tracicca na zarablańnie hrošaj.

zygimont VAZA — ContraBanda (MR3)

zygimont VAZA — klip na pieśniu «Lakarnia», 2008

Hurt Rasta niekalki hadoŭ ličyŭsia adnym ź lidaraŭ biełaruskaj ciažkaj sceny. Ich albom The Age of Movement (2006) pradusavaŭ Bjorn Enhielman, zaŭvažany ŭ pracy z In Flames i Rammstein. Redki vypadak dla kamandy ź Biełarusi, kali svoj dysk muzyki prezientavali ŭ šerahu jeŭrapiejskich krainaŭ, pryčym časam na vializnuju aŭdytoryju. U tym ža 2006 hodzie Rasta vystupiła na feście Przystanek Woodstock pierad aŭdytoryjaj u 300 tys. čałaviek. Da ŭsiaho ich albom byŭ vydadzieny dla Jeŭropy, Azii i Afryki pad markaj EMI Music. U 2007 hodzie Rasta atrymała pieramohu u troch naminacyjach na cyrymonii «Rok-Karanacyja», u tym liku i Vialikuju karonu jak najlepšy hurt hoda. Dalej hurt praciahnuŭ jeździć pa vialikich festach dy asvojvać novyja terytoryi —

ich dysk The Age Of Meridium trapiŭ na muzyčny rynak Kałumbii, a taksama byŭ vydadzieny ŭ Novaj Ziełandyi dy Aŭstralii. Ale paśla hetaj aptymistyčnaj naviny hurt ścich.

Rasta spyniŭ svaju dziejnaść. Tym nie mienš, muzyki sabralisia razam dziela vystupu na homielskim Mass Medium Fest letam 2010 hoda. Heta i jość apošni pa časie kancert kamandy.

«Ja b nie ličyŭ toj vystup raźvitalnym, — kaža ciapier Pavieł Paŭlichin. — Pra śmierć kamandy dahetul nie abvieščana, dy i žałoby nie nazirajecca». Sa słovaŭ Paŭła, muzyki nie dasiahnuli metaŭ, jakija pierad saboj stavili. Ich nie zadavalniaŭ status «łakalnych znakamitaściaŭ» i chaciełasia bolšaha. «Nie skažu, što my nie mieli siłaŭ, kab dasiahnuć surjoznych vynikaŭ. Prosta nadakučyła ŭsio ŭ peŭny momant, i było vyrašana hurt hety pakinuć u spakoi dy zasiarodzicca na novym muzyčnym prajekcie». Imaviernaść adnaŭleńnia dziejnaści hurta Rasta zaŭždy zastajecca, adznačaje Pavał.

Rasta — žyvy klip na «Burning Black», 2006

Apošnija zhadki pra adzin z samych jaskravych biełaruskich rok-prajektaŭ2000-ch — hurt ZET — hublajucca ŭ žniŭni 2008 hoda. Tady kamanda apošni raz vystupiła ŭžyvuju. Było toje na feście Be Free u Lvovie. Sajta ŭ jaje daŭno niama, zatoje jość supołka prychilnikaŭ.

Pik aktyŭnaści muzykaŭ, što vystupali zaŭždy ŭ maskach i chavali svaje dobra ŭsim viadomyja imiony pad mianuškami, prypaŭ na 2000—2003 hh., kali byŭ zapisany debiutnik «Z novym hodam!» dy asnova dla druhoha alboma, vydadzienaha praź niekalki hadoŭ pad nazvaj «radzima.com». Ale cikavaść da prajekta padmacoŭvałasia i dalej — klipam na pieśniu «Kałhas», jaki ź niedahladu navat pakazali pa BT; šykoŭnaj pieśniaj «Biełakryły anioł», jakoj u 2005 hodzie doŭhi čas nie było kankurentaŭ na «Tuzinie Hitoŭ» dy redkimi, ale zvyšemacyjnymi vystupami na festach. «Dla mianie ŭ peŭny čas ideja ZET vyčarpała siabie, — kaža ciapier hołas prajekta Lavon Volski. — My vielmi šmat skazali svaimi dvuma albomami. Pakolki my abrali šlach paŭpadpolnaha hurta, to nie musili vychodziać na scenu niejkich pafasnych mierapryjemstvaŭ. I tak bieź pijaru spačyli ŭ anderhraŭndzie». Sproby reanimavać prajekt byli. U 2008 hodzie paŭstaŭ prajekt na adzin kancert — ZET Family. Rolu vakalistaŭ tam vykonvali Saša Rakaviec z IQ48 i Alaksandr Pamidoraŭ. «U nas zastałosia davoli šmat napracovak. Była inicyjatyva z boku inšych muzykaŭ adnavić prajekt, ale

ja nie zdoleŭ na toj momant znajści ŭ sabie siły, kab praciahnuć ZET, — pryznajecca Lavon i dadaje: — Ale hety prajekt praciahvajuć inšyja hurty. Naprykład, pieršy skład ZET hraje na apošnim albomie Pomidor/off».

ZET — Radzima-svaboda, žyvoje videa z kancerta ŭ Ščecinie (Polšča), 24 vieraśnia 2000

• 0
• 0
• 0
• 0
• 0
• 0
• 0
• 0