Novy cykł. Napišycie i Vy nam pra kaviarni, jakija Vam padabajucca
Kaviarni Minska. «Štole»
Miesca z najlepšymi ŭ stalicy pirahami.
«Štole»
vuł. Rakaŭskaja, 23;
vuł. Kazłova, 8
10.00–23.00
Teł.
Siońnia Rakaŭskaje pradmieście, na žal, i pryblizna nie maje toj atmaśfiery, što panavała tam jašče paŭstahodździa tamu.Razam z vuzieńkimi vułačkami, maleńkimi chatkami i reštkami Mienskaha zamčyšča pastupova źnikali niepaŭtornaść i histaryčnaja vyraznaść našaj stalicy.
Całkam adnavić stračanaje pradmieście nierealna, ale ž nadać «atmaśfiernaści» ŭsio ž možna. Naprykład, adkryć utulnyja kaviarni na jeŭrapiejski ład.
Prykład — «Štole». Pryjemny interjer, dobry servis i davoli niebłahaja kuchnia zabiaśpiečvajuć pastajanny napłyŭ klijentaŭ. Ale hałoŭnaja asablivaść «Štole» — ich vypiečka, a dakładniej pirahi. Mienavita pirahi, jakija ŭ sietcy «Štole» vyrablajucca pa admysłovym recepcie, zavajavali publiku ŭ 54 haradach Rasii, Ryzie, a taksama ŭ Minsku.
Što da interjeru, to «Štole» nie ździvić kahości aryhinalnaściu albo navinoj.Naadvarot, unutranaje afarmleńnie vykananaje ŭ davoli zvyčajnaj maniery: heta spakojnyja adcieńni, pryjemnaje, źlohku pryhłušanaje śviatło, kłasičnaja mebla, davoli papsovyja fotazdymki staroha Minska. «Štole» ŭ pieršuju čarhu aryjentujecca nie na pyšnaść interjeru, a na ŭłasnuju vypiečku.
Asartymientam pirahoŭ — jahadnych, miasnych, kapusnych, łasosievych i inšych — «Štole» dahodzić usim i kožnamu.Ale ž tut nielha nie zaŭvažyć vialiki minus — siudy nialohka trapić, kali ŭ najaŭnaści jość usie pirahi, pakazanyja ŭ mieniu: vialiki popyt. Tamu parada dla tych, chto źbirajecca naviedać hetaje miesca: zamoŭcie piroh zahadzia, tady jon abaviazkova vas «dačakajecca». Taksama treba zaŭvažyć, što dniom pirahi śviažejšyja, čym tyja, što pradajucca ŭviečary, bo vypiečku hatujuć u pieršaj pałovie dnia. Suadnosiačy canu i jakaść, rekamienduju pasprabavać piroh z kapustaj, trusam albo cytrynaj.
Akramia «chlebabułačnych vyrabaŭ» u «Štolle» jość i zvykły nabor stravaŭ. Nielha nie adznačyć, što aproč inšaha tut pa ŭłasnym recepcie hatujuć kvas, mors i nastojki,jakija karystajucca pośpiecham. «Štole» maje poŭnuju licenziju, tamu z «sahravalnaha» tut jość nie tolki kava i harbata, ale i raznastajnyja ałkaholnyja napoi.
Vy možacie aryjentavacca pryblizna na nastupnyja ceny:
Piroh (1 kh) — 80 000
Piroh (250 h) — 25 000
Harbata — 10 000–17 000
Kava — 20 000.
Pieršyja stravy — 14 000–28 000
Druhija stravy — 40 000–80 000
«Štole» na Rakaŭskaj — dobraje miesca dla spakojnaha viečara.Sam pa sabie prajekt unikalny pa mierkach siońniašniaha Minska. Ludzi z zadavalnieńniem prychodziać siudy albo zakazvajuć pirahi na dom. Adno drenna: praz hety niečuvany hramadski ažyjataž pirahi davoli składana kupić.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary