Nacyjanalnaja kinastudyja «Biełaruśfilm» abjaŭlaje konkurs na lepšy kinascenaryj poŭnamietražnaha mastackaha i televizijnaha filma. Jak paviedamiŭ karespandentu BIEŁTA namieśnik hienieralnaha dyrektara kinastudyi Piotr Kryvastacienka, konkurs prymierkavany da 3 lipienia.
Materyjały na konkurs prymajucca z 26 lutaha pa 1 červienia biahučaha hoda. Uznaharodžańnie pieramožcaŭ adbudziecca 2 lipienia. Scenaryj, jaki zojmie pieršaje miesca, budzie ekranizavany ŭ 2008 hodzie.
Litaraturnyja scenaryi mastackich filmaŭ u dvuch ekzemplarach nakiroŭvajucca na adras rabočaj hrupy konkursu (220114, h. Minsk, pr. Niezaležnaści, 98) z pamietkaj «Na konkurs». Aŭtary pavinny padać piśmovuju zajavu ab udziele ŭ konkursie, a taksama pradastavić karotkija źviestki pra siabie (hod i miesca naradžeńnia, adukacyja, miesca raboty, damašni adras, kantaktnyja telefony), asabista padpisanaje abaviazacielstva ŭ vypadku prysudžeńnia adnoj z premij ab pieradačy zasnavalnikam konkursu prava na vykarystańnie scenaryja dla stvareńnia filma terminam na 5 hadoŭ. Pavodle ŭmoŭ konkursu abjom scenaryja nie pavinien pieravyšać 50‑60 staronak mašynapisnaha abo kampjuternaha tekstu.
Padrabiaznaja infarmacyja ab konkursie raźmieščana na sajcie kinastudyi.
Dla pieramožcaŭ ustanoŭleny hrašovyja premii. Finansuje konkurs UP «Nacyjanalnaja kinastudyja «Biełaruśfilm» z pryciahnieńniem sponsaraŭ.
Mety konkursu — bolš šyrokaje vykarystańnie mahčymaściej sumiesnaj vytvorčaści filmaŭ ź biełaruskimi telekampanijami, pavyšeńnie mastackaha ŭzroŭniu filmapradukcyi kinastudyi «Biełaruśfilm», pošuk i padtrymka maładych talenavitych kiniematahrafistaŭ, pavyšeńnie roli nacyjanalnaha kiniematohrafa ŭ kulturnym žyćci hramadstva, zachavańnie i raźvićcio tradycyj nacyjanalnaha kinavideamastactva.‑
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary