U Hienieralnaj prakuratury Biełarusi BiełaPAN nie prakamientavali infarmacyju ab zvarocie kirhizskich uładaŭ z prośbaj ab vydačy byłoha prezidenta Kurmanbieka Bakijeva i jaho brata. Takim čynam, aficyjnych źviestak pra toje, ci isnavaŭ zapyt u biełaruskuju Hienprakuraturu i ci sapraŭdy na hety raz jon tyčyŭsia dvuch čałaviek, niama.
Pra toje, što Kyrhyzstan prosić Biełaruś vydać kirhizskamu pravasudździu Bakijeva i jaho brata, jaki kiravaŭ rasstrełam demanstrantaŭ u krasaviku 2010 hoda, skazaŭ 25 lutaha prezident hetaj krainy Ałmaźbiek Atambajeŭ u efiry radyjostancyi «Recha Maskvy». «My prosim vydać nie tolki byłoha prezidenta, tam jość jašče strašny čałaviek — brat prezidenta, jaki kiravaŭ rasstrełam demanstrantaŭ, pryčym była dadziena kamanda stralać tolki ŭ hałavu i ŭ hrudzi», — skazaŭ Atambajeŭ.
U krasaviku 2010 hoda ŭ Kyrhyzstanie adbyŭsia dziaržaŭny pieravarot. Padčas šturmu budynka ŭrada ŭ Biškieku i biesparadkaŭ, što mieli miesca potym, u horadzie zahinuli prykładna 90 čałaviek i 1,5 tysiačy atrymali ranieńni. Na toj čas prezident Bakijeŭ, jaho brat Žanyš (Džanybiek), jaki ŭznačalvaŭ Słužbu dziaržachovy krainy, starejšy syn Marat uciakli z krainy. Na radzimie jany byli zavočna abvinavačanyja ŭ masavym zabojstvie, źviazanym ź pieravyšeńniem słužbovych paŭnamoctvaŭ, i abjaŭlenyja ŭ mižnarodny vyšuk.
U mai kiraŭnik časovaha ŭrada Kyrhyzstana Roza Atunbajeva padpisała dekret ab pazbaŭleńni Bakijeva prezidenckaj niedatykalnaści na padstavie kryminalnaj spravy, pa jakoj jon abvinavačvajecca ŭ arhanizacyi zabojstvaŭ i złoŭžyvańni słužbovym stanoviščam. Hienprakuratura Kyrhyzstana dvojčy źviartałasia ŭ Hienprakuraturu Biełarusi z zapytam ab vydačy Bakijeva i dvojčy atrymała admovu.U Biełaruś Bakijeŭ prybyŭ 19 krasavika 2010 hoda pa zaprašeńni Alaksandra Łukašenki.
8 lutaha 2012 hoda ŭ internecie źjaviłasia infarmacyja pra toje, što Bakijeŭ jašče ŭ žniŭni 2010 hoda atrymaŭ biełaruski pašpart i kupiŭ dom u Minsku. Raniej paviedamlałasia, što jon žyvie va ŭradavaj rezidencyi ŭ Biarezinskim zapaviedniku. U MUS Biełarusi infarmacyju ab atrymańni Bakijevym biełaruskaha hramadzianstva nie paćvierdzili i nie abvierhli. Jak zajaviŭ BiełaPAN načalnik departamienta pa hramadzianstvie i mihracyi MUS Alaksiej Biahun, źviestki ab hramadzianskaj prynaležnaści čałavieka źjaŭlajucca źviestkami asabistaha charaktaru i nie padlahajuć abviaščeńniu bieź jaho zhody.
U intervju «Recha Maskvy» Ałmaźbiek Atambajeŭ nie staŭ padrabiazna kamientavać infarmacyju pra toje, što Bakijeŭ atrymaŭ biełaruskaje hramadzianstva, zaznačyŭšy tolki, što «heta prava prezidenta Biełarusi, kamu vydavać pašpart».
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary