Kazulin raskazaŭ usio, što viedaŭ. Niama padstavaŭ nie daviarać jahonym raskazam — jon ža va ŭsim hetym udzielničaŭ. Karcina adkryłasia, skažam ščyra, žudkaja. Trochi niajasna, praŭda, na što raźličvajuć śpičrajtery eks-rektara: niaŭžo ž vybarcy zachočuć pamianiać adnaho pradstaŭnika hetaj, jak Kazulin ličyć, “kodły” na druhoha?
Kazulin raskazaŭ usio, što viedaŭ. Niama padstavaŭ nie daviarać jahonym raskazam — jon ža va ŭsim hetym udzielničaŭ. Karcina adkryłasia, skažam ščyra, žudkaja. Trochi niajasna, praŭda, na što raźličvajuć śpičrajtery eks-rektara: niaŭžo ž vybarcy zachočuć pamianiać adnaho pradstaŭnika hetaj, jak Kazulin ličyć, “kodły” na druhoha?
Kazulin havoryć hučna i pra ŭsio, ale ni słova — pra vychad narodu na płošču.
Dziŭnavataja historyja z vynikami ekzyt-połu za miesiac da vybaraŭ paćvierdziła: nichto hałasoŭ ličyć nie źbirajecca. U takich umovach vynik palityčnaha pracesu vyrašyć tolki ličba ŭdzielnikaŭ vuličnaj akcyi pratestu. Astatniaje, što b ni hučała, budzie vypuskam pary ŭ śvistok.
Možna spračacca pra krynicy j mety aktyŭnaści Kazulina — peŭnyja analityki nazyvali jaho kandydaturaj Rasiei, — adnak adno ź jaje vynikaje biezumoŭna: scenar “chutkaciečnych kiravanych vybaraŭ” pravaliŭsia. Rejtynh demakratyčnaha kandydata vyras da takoj stupieni, što ŭsim astatnim palityčnym hulcam pryjšłosia rabić terminovyja zachady.
TV-vystupy kandydataŭ akazalisia samymi efektyŭnym sposabam ahitacyi. Ci značyć, što taktyka Milinkieviča “ad dźviarej da dźviarej” była pamyłkaju? Padajecca, mienavita aktyŭnaść niezaležnaha hramadztva vymusiła ŭładu pamianiać stratehiju i pačać składaniejšuju hulniu, prapuściŭšy na ekran biescenzurnyja słovy.
Jak spałochalisia ŭłady sustrečy Milinkieviča z vybarcami na płoščy Svabody! Lidzija Jarmošyna navat nazvała jaje “amaralnaj”. Alaksandar Fiaduta na heta zaŭvažyŭ, što jana jak čałaviek na techničnaj pasadzie daremna pierajmaje na siabie funkcyi Hieroja Biełarusi Fiłareta i aceńvaje, što maralna, a što nie. “Tym bolš, što maralnaść samoj spn.Jarmošynaj duža prablematyčnaja”, — iranizuje A.Fiaduta. Jana, hetaja maralnaść, naprykład, maŭčyć, kali pobač u Pałacy Respubliki za dziaržaŭny košt inšy kandydat pravodzić faktyčna ahitacyjnuju sustreču z vybarcami, nie tryvožać jaje i pavodziny dziaržaŭnych ŚMI.
A ŭ stalicy robicca niešta novaje. Siońnia ja bačyŭ mašynu z partretam Milinkieviča na šybie. U mnohich kramkach i ŭstanovach visiać vializnyja partrety Milinkieviča — što heta, kali nie prykmiety sympatyj. Narešcie daviałosia pabyć u adnoj siadzibie, što maje dačynieńnie da jahonaj kampanii: cuham iduć ludzi, patusujucca-patusujucca, zahrabuć u pakiet 20—30 ulotak i inšaj “drukavanaj pradukcyi ahitacyjnaha charaktaru” i iduć upročki. Kožny, treba razumieć, u svoj padjezd. Tak i prosicca na jazyk: žyvie Biełaruś.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary